Паведамленні Масквы аб знішчэнні дзясяткаў HIMARS могуць быць праўдай. Чэхія штомесяц выпускае 35 гумовых макетаў РСЗА HIMARS, якія адразу пастаўляюцца ва Украіну
Расійскі бок выпускае дарагія ракеты па надзіманых макетах ракетных сістэм залпавага агню.
Вытворчасць высокадакладных надзіманых макетаў танкаў, а таксама РСЗА HIMARS была наладжаная амаль год таму ў чэшскім горадзе Дэчын. У маі 2022 года гэтая фабрыка вырабляла 15 макетаў танкаў. Цяпер кожны месяц з канвеера сыходзіць 35 макетаў РСЗА HIMARS, якія адразу пастаўляюцца ва Украіну. Сюжэт аб гэтым днямі з'явіўся ў твітары.
Аб эфектыўнасці іх выкарыстання сведчыць такі факт, як нядаўняя інфармацыя аб знішчэнні расійскім бокам на 140% болей установак, чым было пастаўлена Украіне.
Выкарыстанне надзіманых макетаў служыць не толькі для заблытвання расійскіх нападнікаў. У першую чаргу, гэта параўнальна танныя мішэні для расійскіх ракет і снарадаў, якія каштуюць вялікіх грошай. Вытворчасць адной надзіманай «прынады» абыходзіцца ў дзсяткі разоў танней, чым каштуе любая высокадакладная ракета.
На тое, каб надзьмуць макет, ідзе ад дзесяці хвілін (HIMARS) да паўгадзіны (танк). З паветра і з космасу такая «устаноўка» выглядае падманліва сапраўднай.
Раней паведамлялася пра тое, што Украіна таксама выкарыстоўвае муляжы HIMARS з дрэва.
Ёсць звесткі аб тым, што надзіманыя танкі і пускавыя ўстаноўкі «мае на ўзбраенні» і расійскі бок.
Выкарыстанне на вайне муляжоў мае даўнюю гісторыю. Напрыклад, падчас Другой сусветнай вайны саюзнікі з поспехам выкарыстоўвалі так званую «Армію прывідаў» з гумавых танкаў.
Чытаць таксама:
Латвія павялічыць выдаткі на абарону: краіна закупіць устаноўкі HIMARS і марскія ракеты
Расія паведамляла аб «знішчэнні» і «падаўленні» 35 украінскіх HIMARS. Але Кіеў атрымаў толькі 20 такіх установак
Цяпер чытаюць
Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку28
Каментары