Грамадства99

ДзяржСМІ паказалі падроблены пашпарт забітага ў Гродне. Распавядаем, каму ён належаў і як робяцца такія дакументы

Пашпарт «Ламакіна», якога кадэбэшнікі забілі ў Гродне, паказала дзяржТБ. Вось што гэта за дакумент.

Каму належыць пашпарт?

Калі праверыць дакумент па «злітых» базах расійскіх пашпартоў, то хутка можна знайсці яго сапраўднага ўладальніка. Гэта Уладзімір Ламакін з Забалоцця Калужскай вобласці 1986 года нараджэння.

«Ламакін» з дзяржСМІ і Уладзімір Ламакін, сапраўдны ўладальнік пашпарта. Фота: АТН, старонка ў «Аднакласніках» Уладзіміра Ламакіна

Сапраўдны Ламакін з 2011-га па канец 2013 года адбываў пакаранне за «арганізацыю наркапрытона» і «захоўванне (або вытворчасць) наркотыкаў у буйным памеры без мэты продажу». Некалькі разоў быў аштрафаваны за «хуліганства». Апошняе вядомае месца яго працы — ахоўнік у Калузе ў 2021 годзе. 

Пашпарт з нумарам, які паказваюць дзяржСМІ даўно не дзейны. Ён ёсць у базе згубленых пашпартоў, прычым «згублены» ён не менш за дзесяць гадоў таму — з 2011-га года. А ў 2012-м (акурат калі мужчына быў у турме) яму выдалі новы.

А хто на фота?

Сапраўдная асоба чалавека на гэтым фота не вядомая. 

Імаверна, на фота ў падробленым пашпарце псеўда-Ламакіна, які паказалі па дзяржТБ, — не грамадзянін Беларусі. Такі чалавек не адшукаўся па адкрытых звестках з сацсетак і па базе беларускіх пашпартоў, якая ёсць у «Кіберпартызан».

Як робяцца такія пашпарты і колькі яны каштуюць?

На фота так званы «пераклеены» пашпарт. То-бок, сапраўдны пашпарт, скрадзены або выкуплены ў рэальнага чалавека. З улікам таго, што пашпарт з такім нумарам ёсць у базе згубленых пашпартоў, пры любой праверцы ў Расіі чалавека з ім бы арыштавалі.

Таксама з такім пашпартам немагчыма прыехаць з Польшчы або любой трэцяй краіны, дзе ёсць памежны кантроль, вас проста арыштуюць на мяжы. Такім чынам, адзінае месца, адкуль тэарэтычна мог прыехаць «Ламакін» — гэта Расія.

Такія пашпарты можна замовіць у даркнэце. Гэта, бадай што, самыя танныя варыянты, іх кошт ад 20 да 50 тысяч расійскіх рублёў (250 — 600 еўра) у залежнасці ад «якасці» пашпарта і выканання паслугі. Усё, што магчыма замяніць у такім пашпарце, — гэта трэцюю старонку, дзе змяшчаюцца персанальныя звесткі.

Можна меркаваць, што калі кадэбэшнікі ведалі звесткі гэтага чалавека адразу, то, напэўна, ведалі і што даныя выдуманыя. 

На АНТ заявілі, што асоба «Ламакіна» яшчэ вызначаецца. 

У новым сюжэце таксама паведамілі, што мужчына спачатку прыбыў у Магілёў (меркавана, з 24 па 28 лютага), пасля ў Мінск і толькі потым зняў кватэру ў Гродне.

«Наша Нiва» — бастыён беларушчыны

ПАДТРЫМАЦЬ

Каментары9

  • Абу
    21.03.2023
    З "Ламакіным" абламаліся.
  • Жвір
    21.03.2023
    Ды ад пачатку раскруткі гэтага фэйка, было ясна, што нештачка абгарнулі ў патрэбную прапагандзе абалонку, хлусьлівую, як і ўсё, што яна валіць у медыяпрастору.
  • :
    21.03.2023
    Российский шпион :)
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Экс-палітвязень адкрыў збор на сябе — іншыя палітвязні абураныя і кажуць, што ён стукач і махляр1

Экс-палітвязень адкрыў збор на сябе — іншыя палітвязні абураныя і кажуць, што ён стукач і махляр

Усе навіны →
Усе навіны

Беларуска пры дапамозе народных метадаў вырасціла гіганцкую трускаўку ФОТАФАКТ1

Мужчына ў Мінску разграміў 18 прыпаркаваных машын — каб іх кіроўцы хадзілі пешшу і не траплялі ў аварыі1

Медыянны заробак у Беларусі за год павялічыўся амаль на 20%5

У Баранавічах падчас залевы паплыла па вуліцы скульптура чыгуначніка ВІДЭА11

Ізраіль бамбіць Сірыю, патрабуючы ад Дамаска адчапіцца ад друзаў. З чаго такая дружба?28

Афганістан зазывае ў краіну замежных турыстаў ролікам, у якім абыгрываецца выкраданне людзей4

Дарадца Ціханоўскай сустрэўся ў Вашынгтоне з дарадцам Вэнса14

Мэр латвійскага горада атрымаў раненне падчас абстрэлу ва Украіне4

Коля Лукашэнка па рашэнні бацькі працягне атрымліваць спецыяльную стыпендыю17

больш чытаных навін
больш лайканых навін

Экс-палітвязень адкрыў збор на сябе — іншыя палітвязні абураныя і кажуць, што ён стукач і махляр1

Экс-палітвязень адкрыў збор на сябе — іншыя палітвязні абураныя і кажуць, што ён стукач і махляр

Галоўнае
Усе навіны →

Заўвага:

 

 

 

 

Закрыць Паведаміць