Напярэдадні Вялікадня ўкрыжаваны ў 34 раз філіпінец памаліўся аб заканчэнні расійскага ўварвання ва Украіну
Незвычайны абрад укрыжавання — традыцыйнае мерапрыемства ў філіпінскай вёсцы.
Напярэдадні Вялікадня ўкрыжаваны ў 34 раз філіпінец памаліўся аб заканчэнні расійскага ўварвання ва Украіну. Пра гэта паведамляе Associated Press.
At least 12 Filipinos are to be nailed to crosses to reenact Jesus Christ’s suffering in a gory Good Friday tradition that is rejected by the Catholic church. The tradition draws huge crowds of devotees and tourists to the Philippines. https://t.co/hfxZXtbkxm
«У гэтай вайне ўдзельнічаюць толькі дзве краіны: Расія і Украіна, але ад павышэння цэн на нафту пакутуем мы ўсе, нават не ўдзельнічаючы ў канфлікце», — сказаў 62-гадовы Рубэн Энаджэ на прэс-канферэнцыі пасля распяцця. Ён распавёў Associated Press, што праз расійскае ўварванне ва Украіну яму стала складаней выжываць на свой малы прыбытак ад сталярных работ і вырабу шыльдаў, бо прадукты рэзка падаражэлі.
Рэальнае ўкрыжаванне — традыцыйны абрад у філіпінскай вёсцы Сан-Пэдра-Кутуд, паглядзець на які з'язджаюцца тысячы турыстаў. Сёлета на ўкрыжаванне адважыліся восем чалавек.
Надзеўшы калючыя вянкі з галінак, яны больш за кіламетр неслі на спіне цяжкія драўляныя крыжы па спякоце. Пасля гэтага іх далоні і ступні прыбілі дзесяцісантыметровымі цвікамі з нержавеючай сталі да крыжоў і ўсталявалі пад сонцам на дзесяць хвілін. Іншыя пакутнікі хадзілі басанож па вясковых вуліцах і білі сябе па голых спінах вострымі бамбукавымі палкамі.
Рубен Энадже ўдзельнічае ў абрадзе ў падзяку за тое, што выжыў пасля падзення з трэцяга паверха ў маладосці. Ён называе гэта цудам. Іншыя — у асноўным беднякі — праходзяць рытуал, каб загладзіць свае грахі, памаліцца за хворых або папрасіць аб лепшым жыцці.
Каталіцкая царква Філіпін не ўхваляе распяцця і самабічавання. Мясцовыя царкоўныя лідары кажуць, што вернікі могуць даказаць сваю рэлігійную адданасць, не прычыняючы сабе шкоды, а займаючыся дабрачыннасцю, напрыклад, здаючы кроў.
Чытайце яшчэ:
Як фарбаваць велікодныя яйкі: вялікі гайд
Да велікоднага стала. Робім пасху: 4 рэцэпты, якія абавязкова атрымаюцца
Чаму католікі і праваслаўныя святкуюць Вялікдзень у розны час. І розніца можа складаць нават месяц?
Разведка ЗША: Беларусь стала перадавым вайсковым плацдармам Расіі24
Каментары