«Ты ж мужык. Будзь ім». У прапагандысцкім роліку Мінабароны Расіі з Z-рэкламай службы па кантракце зняўся беларус
Адзін з актораў прапагандысцкага відэароліка Мінабароны Расіі, у якім заклікаюць мужчын служыць па кантракце, зняўся грамадзянін Беларусі Максім Шалыпін, даведалася «Агентство».
Ролік з рэкламай кантрактнай службы ў войску зʼявіўся ў тэлеграм-канале Мінабароны вечарам 19 красавіка. У ім паказаныя ахоўнік, фітнэс-трэнер і таксіст, якія становяцца ваеннымі і надзяваюць форму з нашыўкай Z. «Ты ж мужык. Будзь ім», — гаворыцца ў роліку, пасля чаго зʼяўляецца абяцанне аб грашовых выплатах.
Шалыпін грае ролю фітнэс-трэнера. Пры яго зʼяўленні ў роліку ўсплывае фраза «Хіба ў гэтым твая сіла?». Затым па сюжэце ён становіцца вайскоўцам і надзявае форму з нашыўкай у выглядзе літары Z.
Максім Шалыпін сапраўды быў фітнэс-трэнерам у беларускім клубе ў Віцебску, пра што «Агентству» паведамілі ў самім клубе.
Са злітых баз вынікае, што ў мужчыны грамадзянства Беларусі. На старонцы ў ВК паказаны яго родны горад — Віцебск. Пры гэтым цяпер, мяркуючы па Instagram ён жыве ў Маскве, працягвае трэніраваць і займацца бодзібілдынгам. На старонцы ён называе сябе мадэллю, акторам і байкерам.
Шалыпін адмовіўся адказваць на пытанні журналіста.
-
Украінская аперацыя «Павуцінне» магла сарвацца ў апошні момант — пільны дальнабойшчык знайшоў беспілотнікі ў корпусе
-
Зяленскі паведаміў пра існаванне трох дакументаў, якія датычацца завяршэння вайны ва Украіне
-
Сырскі: Украінскія войскі з сярэдзіны лістапада змаглі вярнуць кантроль над часткай Пакроўска і цяпер утрымліваюць паўночную частку
Каментары