Пенсіянерку з Мар'інай Горкі абдурылі больш чым на 60 тысяч даляраў махляры з Мексікі
Жыхарка Пухавіцкага раёна страціла 157 тысяч беларускіх рублёў пасля званка махляроў, паведаміў Следчы камітэт.
Паведамляецца, што 69-гадовай беларускай пенсіянерцы, якая жыве ў Мар'інай Горцы, патэлефанавалі 1 лютага нібыта са «службы бяспекі банка». Ашуканцы сказалі, што хочуць папярэдзіць жанчыну пра тое, што невядомыя спрабуюць узламаць рахунак яе банкаўскай карты.
Беларуска спалохалася і паверыла кожнаму слову махляроў, а таксама расказала, што акрамя гэтай банкаўскай карты мае і іншыя дэпазітныя рахункі на буйныя сумы.
Махляры «працавалі» з пенсіянеркай амаль 3 месяцы, пастаянна вялі з ёй тэлефонную перапіску. Увесь гэты час беларуска выконвала ўсе іх указанні. Яна паставіла на свой смартфон вірусную праграму аддаленага доступу, назвала лагін і пароль ад інтэрнэт-банкінга. У выніку ашуканцы змаглі выкрасці ў пенсіянеркі амаль 157 тысяч рублёў.
Калі жанчына заўважыла, што страціла ўсе свае ашчаджэнні, яна звярнулася ў міліцыю. Там выявілі, што махляры тэлефанавалі пацярпелай з нумара, які належыць сотаваму аператару Мексікі. Па гэтым факце завялі крымінальную справу за крадзеж маёмасці шляхам мадыфікацыі камп'ютарнай інфармацыі, здзейснены ў асабліва буйным памеры (ч. 4 арт. 212 Крымінальнага кодэкса Беларусі).
Цяпер чытаюць
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода20
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары