Запусцяць іх з раніцы спецыяльныя брыгады.
З раскладам водных феерый ад кожнага збудавання можна азнаёміцца на сайце УП «Мінскзелянбуд», паведамляюць Мінск-навіны.
Мяркуючы па ім, большасць фантанаў пачнуць працаваць па буднях з 11:00 да 21:00. Некаторыя з іх — з 10:00. Напрыклад, фантаны «Сталіца» на плошчы Незалежнасці, «Спадчына» на плошчы Свабоды, «Беларусь партызанская» на скрыжаванні Партызанскага праспекта і вуліцы Варвашэні. Фантан ля будынка Вярхоўнага Суда будзе працаваць з 9:00 да 21:00.
Самы відовішчны фантан, «Свіслач», які дэманструе святломузычныя шоу над воднай роўняддзю аднайменнай ракі паблізу парку імя Купалы, будзе працаваць з 16:00 да 23:00 штодня.
Аматарам водных канцэртаў варта звярнуць увагу на рэжым працы фантанаў. Некаторыя рукатворныя гейзеры ў выхадныя і святочныя дні будуць радаваць гараджан і гасцей сталіцы да самай апоўначы.
На абслугоўванні «Мінскзелянбуда» знаходзіцца 38 фантанаў. На іх функцыянаванне могуць паўплываць рэгламентныя працы, якія, як правіла, праводзяцца раз у месяц, альбо асаблівыя ўмовы надвор'я. Так, фантаны могуць быць адключаныя пры выпадзенні ападкаў у выглядзе дажджу больш за 5 мм/г; тэмпературы паветра ніжэй +10 °C, узмацненні ветру парывамі больш за 10 м/с.
Цяпер чытаюць
Даведаліся, як справы ў Рыгора Кастусёва — ёсць добрыя навіны1
Каментары