Больш не «Мы адзіныя». Антыпольскі фільм «Беларусьфільма» выйдзе пад іншай назвай
Кінастудыя прадставіла першы трэйлер «нацыянальнага праекта» — так прапаганда называе фільм пра падзеі ў Заходняй Беларусі ў 1920-я.
У сюжэце АНТ начальніца аддзела па кінематаграфіі Мінкульта Кацярына Панамарова сказала, што аўтарскі замысел найбольш ёміста і канкрэтна раскрываецца пад назвай «На іншым беразе», а не пад першапачатковай «Мы адзіныя».
Прэм’ера плануецца ў так званы Дзень народнага адзінства — 17 верасня.
Акрамя назвы, мяркуючы па сюжэце тэлеканала, у карціны змяніўся і рэжысёр, Івана Крываручку замяніў расіянін Андрэй Хрулёў, у фільмаграфіі якога ў асноўным тэлесерыялы.
Каментары