Украіна стварыла ў Расіі сетку агентаў і перадае ім дроны кантрабандаю — СМІ
Амерыканскія чыноўнікі лічаць, што праўкраінскія агенты ў Расіі здзейснілі атаку на Крэмль у пачатку мая, запусціўшы беспілотнікі з тэрыторыі Расіі, а не Украіны.
Украіна стварыла ў Расіі сетку добра падрыхтаваных агентаў для дыверсій і дае ім беспілотнікі ўласнай вытворчасці, якія, імаверна, трапляюць у РФ кантрабанднымі маршрутамі. Пра гэта піша CNN са спасылкай на крыніцы, знаёмыя са звесткамі амерыканскай разведкі.
Амерыканскія чыноўнікі лічаць, што праўкраінскія агенты ў Расіі здзейснілі атаку на Крэмль у пачатку мая, запусціўшы беспілотнікі з тэрыторыі Расіі, а не Украіны.
Няясна, ці былі іншыя атакі беспілотнікаў — у тым ліку адна, накіраваная на Маскоўскую вобласць, і яшчэ адзін удар па нафтаперапрацоўчых заводах на поўдні РФ — ажыццёўлены з расійскай тэрыторыі.
На думку службовых асоб, Украіна распрацавала дыверсійныя групы ўнутры Расіі, якія складаюцца з праўкраінскі настроеных людзей, добра падрыхтаваных для вядзення такога роду вайны.
Паведамляецца, што Украіна дала ім беспілотнікі ўкраінскай вытворчасці. Два чыноўнікі заявілі CNN, што няма ніякіх доказаў таго, што які-небудзь з удараў быў здзейснены з дапамогай амерыканскіх беспілотнікаў.
Чыноўнікі не змаглі дакладна сказаць, як Украіне ўдалося пераправіць беспілотнікі ў тыл ворага, але дзве крыніцы паведамілі CNN, што ўкраінскі бок стварыў добра адпрацаваныя кантрабандныя маршруты, якія могуць быць выкарыстаныя для адпраўкі беспілотнікаў або іх кампанентаў у Расію, дзе іх потым збіраюць.
Цяпер чытаюць
Анжаліка Мельнікава тыдзень правяла на Шры-Ланцы і вылецела з дзецьмі ў Дубай20
Каментары