13 чэрвеня суд Пружанскага раёна асудзіў уладальніцу аграсядзібы «Стулы» Ларысу Быцко на 15 сутак па артыкуле аб распаўсюдзе «экстрэмісцкіх матэрыялаў». Па гэтым жа самым артыкуле суд Пружанскага раёна асудзіў і Ігара Паляшэнку.
Ларыса Мікалаеўна Быцко — загадчыца аддзела традыцыйнай культуры Брэсцкага абласнога грамадска-культурнага цэнтра. Яна была арганізатаркай і рэжысёркай абласных святаў-конкурсаў фальклорнага мастацтва, у тым ліку «Галасы Палесся» ў Іванаве, «Таночак» у вёсцы Бездзеж Драгічынскага раёна. Пад яе кіраўніцтвам у Брэсцкай вобласці рэалізуецца этнаграфічны праект «Рух зямлі».
Таксама Ларыса Мікалаеўна — ініцыятарка правядзення міжнародных пленэраў ганчароў у вёсцы Гарадная Столінскага раёна, абласных пленэраў разьбяроў манументальнай скульптуры, папулярызатарка народнага мастацтва. У 2014 годзе была ўзнагароджаная нагрудным знакам «За ўклад у развіццё культуры Беларусі» Міністэрства культуры.
Аграсядзіба «Стулы» знаходзіцца ў Пружанскім раёне Брэсцкай вобласці ў аднайменнай вёсцы, дзе жыў і працаваў у адзіноце народны майстар Беларусі, стваральнік серыі драўляных скульптур Мікалай Тарасюк (мастак-самавук, адзін з найбуйнейшых майстроў наіўнага мастацтва).
У 2016 годзе муж і жонка Быцко ў цэнтры вёскі пабудавалі культурна-адукацыйны цэнтр «Вясковы рэнесанс», у якім праводзіліся розныя культурныя мерапрыемствы. Тут Аляксандр і Ларыса Быцко займаліся папулярызацыяй беларускай культуры, праводзілі паказы батлейкі.
Пра аблаву і затрыманні на аграсядзібе «Стулы» стала вядома 11 мая.
Цяпер чытаюць
На мітынгу ў Вільні затрымалі правакатара. А Ціханоўскі заявіў пра намер дабівацца сустрэчы з Зяленскім30
Каментары