Эканоміка1818

Лукашэнка: «Еўропа страціла суверэнітэт, бо адмовілася ад танных энерганосьбітаў з Расіі». Эканаміст красамоўна адказаў на гэта і нагадаў пра гаспадара бензакалонкі

Аляксандр Лукашэнка абурыўся, што еўрапейцы папракаюць яго ў страце суверэнітэту, а самі купляюць энерганосьбіты ўтрая даражэй. «Суверэнітэт у эканоміцы — гэта магчымасць мысліць не логікай каліфа на гадзіну», — каментуе ў адказ эканаміст Дзмітрый Крук.

Фота: Contributor Getty Images

Сёння на сустрэчы з міністрамі замежных спраў дзяржаў — членаў АДКБ Лукашэнка заявіў:

«Яны, еўрапейцы, папракаюць вас (і мяне ў тым ліку), што мы суверэнітэт тут губляем і гэтак далей. Ды Гасподзь з вамі! Вы даўно яго ўжо страцілі. Як можна ацаніць і як можна ставіцца да таго, што яны адмовіліся ад танных энерганосьбітаў з Расіі і бяруць у 3-5 разоў даражэй? Гэта што такое?

Нахілілі, у патрэбнае месца шыла ўставілі і засталося зусім няшмат, каб яны паваліліся і валяліся на зямлі, і яны яшчэ папракаюць кагосьці ў страце суверэнітэту! Якога суверэнітэту?»

Папулісцкія заявы Лукашэнкі пракаментаваў для «Нашай Нівы» эканаміст Дзмітрый Крук. Ён разважае пра тое, што насамрэч гарантуе суверэнітэт эканоміцы:

«Магчымасць штосьці адхапіць хутка і танна наўрад ці можа нават у самым спекулятыўным запале мець штосьці агульнае з суверэнітэтам. 

Суверэнітэт у эканоміцы — гэта, перш за ўсе, магчымасць па сваім меркаванні абіраць шлях развіцця краіны, захоўваючы як мага болей інструментаў (ступеняў свабоды) для гэтага і карыстацца гэтымі інструментамі.

Суверэнітэт у эканоміцы — гэта таксама магчымасць мысліць не логікай каліфа на гадзіну, а-ля «не да жыру, быць бы жыву» і «пасля нас хоць патоп», а мысліць аб будучыні краіны працяглым гарызонтам часу. 

У гэтым рэчышчы краіны Еўропы свядома адыходзяць ад залежнасці ад бензакалонкі, гаспадар якой — вар'ят па мерках сённяшняга свету, нягледзячы на тое, што пакуль яго газ / бензін нейкі час можа быць таннейшы (што між іншым далёка не факт).

Прадказальнасць, разуменне партнёра і давер да яго ў кантэксце эканамічнага суверэнітэту — нашмат больш важныя рэчы, чым бягучая цана. Менавіта таму краіны, якія мысляць такімі катэгорыямі, застаюцца суверэннымі і ўстойліва развіваюцца больш за 200 гадоў. А тыя, хто паставіў на нізкія цэны на энерганосьбіты, па ўсіх базавых эканамічных паказчыках перасталі развівацца апошнія мінімум 10 гадоў і ўсё больш адстаюць ад «недальнабачных» суседзяў.

Больш за тое, у выніку атрымалася такая татальная залежнасць ад гаспадара бензакалонкі, што весці ўсур'ёз гаворку пра паўнавартасны эканамічны суверэнітэт станам на сёння немагчыма».

Каментары18

  • Мойша
    20.06.2023
    Ён чорна называе белым - гэта звычайна для бальшавікоў. Звычайна таннае гэта прыкмета мышылоўкі і як раз толькі адмовіўшыся ад таннага набываеш свабоду так усюды і ва ўсім.
  • Ёсік
    20.06.2023
    З боку выглядае, што лукашэнка пазваў у лазьню сваіх кішэнных бізьнесменаў, ды ўсялякую лухту верзе. Не падобны на кіраўніка дзяржавы такі плявузгала. Табе якая розьніца, па чым яны купляюць нафту, газ? Схемы шэрыя ляснулі ся, дык выць пачаў.
  • Параска
    20.06.2023
    😅😅😅
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска

Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска

Усе навіны →
Усе навіны

Чым вядомы Хасейн Саламі — камандуючы, які загінуў падчас ізраільскага ўдару7

У 2024 годзе Польшча выдала беларусам на 41% менш першых ДНЖ і доўгатэрміновых віз 6

Праз некалькі тыдняў пасля сутак у ІЧУ памерла 66-гадовая жанчына з анкалогіяй. Яе затрымалі па вяртанні ў Беларусь10

У Маладзечне 13-гадовая дзяўчынка закахалася ў 16-гадовага старшакласніка. Усё скончылася сумна16

Самалёт з Мінска ў Дубай экстранна сеў у Баку

Ізраільскія СМІ: ядзерны рэактар у іранскім Натанзе знішчаны дашчэнту12

Каму з беларускіх дзяцей нельга вучыцца за мяжой? Мінадукацыі пракаментавала нашумелы закон3

Прапагандыст Ігар Тур вырашыў перасяліцца бліжэй да Астрашыцкага Гарадка20

Ціханоўская пра кейс Мельнікавай: Сітуацыя страшная32

больш чытаных навін
больш лайканых навін

Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска

Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска

Галоўнае
Усе навіны →

Заўвага:

 

 

 

 

Закрыць Паведаміць