Нацбанк расказаў, што ў Беларусі ў I квартале 2023 года выявілі на 4,3% больш фальшывых купюр, чым за аналагічны перыяд мінулага года.
«Па выніках першых трох месяцаў 2023 года банкаўскія работнікі выявілі 146 падробленых банкнот», — паведамляецца ў прэс-рэлізе Нацыянальнага банка.
У асноўным падрабляюць даляры ЗША, іх аказалася 82,9%. Доля падробленых еўра склала 11,6%, расійскіх рублёў — 4,1%, а беларускіх рублёў — 1,4%. Фальшывых манет выяўлена не было.
Калі параўноўваць з аналагічным перыядам 2022 года, то агульная колькасць падробак павялічылася на 4,3%. Больш за ўсё — аж у тры разы! — павялічылася колькасць падробленых еўра.
У асноўным падробкі спрабуюць збыць у Мінску: у сталіцы іх выявілі 62,3% ад усіх падробленых грашовых знакаў. Як правіла, усе фальшыўкі зробленыя з выкарыстаннем паліграфічных тэхналогій — гэта 96% фальшывых даляраў і 64% падробленых еўра. Для падробкі астатніх купюр выкарыстоўваліся друкаркі.
Галыгіна прымусілі апраўдвацца за зварот да сілавікоў у 2020-м17
Каментары
🤷🏻♂️