У Мінску скарацілася колькасць угонаў і крадзяжоў аўтатранспарту
У Мінску за 10 месяцаў 2009 года ў параўнанні з аналагічным мінулагоднім перыядам адзначана зніжэнне колькасці ўгонаў і крадзяжоў аўтамашын.
Як паведамілі ў аддзеле інфармацыі і грамадскіх сувязей ГУУС Мінгарвыканкама, усяго са студзеня па кастрычнік у сталіцы было зафіксавана 255 угонаў і 100 крадзяжоў аўтамабільнай тэхнікі.
Найбольш часта аб’ектамі злачынстваў станавіліся аўтамабілі марак «ВАЗ»(105),
«Фальксваген» (28), «Опель» (22), «БМВ» (21) і «Аўдзі» (19).
У большасці выпадкаў крадзяжы і ўгоны ўчыняюцца ў начны час сутак з неахоўных, дрэнна асветленых дваровых тэрыторый. Ад агульнай колькасці заяўленых у вышук аўтамашын толькі прыкладна 10% былі аснашчаны ахоўнай сігналізацыяй.
Міліцыяй вернута ўладальнікам 296 аўтамашын — больш як 83% ад агульнай колькасці выкрадзенага аўтатранспарту. Акрамя таго, сёлета раскрыта 20 злачынстваў мінулых гадоў.
Каментары