Віцебскія ўлады сталі на шлях знішчэння ўсяго, што прывялі ў занядбанне. Цяпер МНС падарвала ўшацкі млын
Работнікі пажарнага аварыйна-выратавальнага атрада Віцебскага УМНС падарвалі будынак былога млына ў г. п. Ушачы Віцебскай вобласці.
Млын ва Ушачах ахоўнага статусу не меў. Але такія аб'екты заўсёды маюць каштоўнасць як сведчанне прамысловага развіцця рэгіёна.
Краязнаўцы адзначаюць, што ў Віцебскай вобласці назіраецца цэлая кампанія па падрыве ўсяго старога. «Падраздзяленні МНС аказваюць дапамогу па ліквідацыі неэксплуатаваных будынкаў і збудаванняў» — так называюць гэта тыя, хто знішчае старыя будынкі.
«Кожны год МНС дае справаздачу, колькі ўсяго было знішчана, быццам гэта нейкае дасягненне, а не паказчык занядбанасці рэгіёна ў цэлым», — каментуе гісторык на ўмовах ананімнасці.
Так у Асвеі ўзарвалі мураваны будынак, знеслі сядзібу ў в. Двор Гомель, сядзібу Хлюсціных у Арэхаўску і г. д.
Днямі вось выявілася, што пад Полацкам знішчылі казармы.
Нядаўна ў Смалянах (Аршанскі раён) вырашылі зносіць два будынкі: аднапавярховы, 1880 г. п., і двухпавярховы, 1901 г. п. Бо мясцовы каледж, на балансе якіх яны былі, не ў стане іх утрымліваць. На знос выдаткоўваецца 16 тысяч рублёў, зносіць плануюць восенню.
Каментары
Их раздражает всё, что напоминает им об их корнях, всё, что напоминает о беларуском в Беларуси.
Точно такое же раздражение у всех ябатек и лукашистов, поэтому им проще уничтожить всё, чем сохранить своим детям и внукам.
Хотя, у таких дети и внуки будут такими же, иаанами безродными, без роду и племени, яблоко от яблони......