Гранічны памер фінансавых фондаў для кандыдатаў у прэзідэнты складзе тры тысячы базавых велічынь – Ярмошына.
Не выключана, што норма аб памеры індывідуальнага фінансавага фонду для кандыдатаў у прэзідэнты ў перспектыве будзе зменена. Пра гэта паведаміла старшыня Цэнтрвыбаркама Лідзія Ярмошына.
У адпаведнасці з папраўкамі ў выбарчае заканадаўства, якія цяпер знаходзяцца на разглядзе ў Палаце прадстаўнікоў, гранічны памер індывідуальнага фінансавання фонду для кандыдатаў у прэзідэнты Беларусі складзе тры тысячы базавых велічынь [сёння базавая велічныя складае 35 тыс. рублёў, 3 000 б.в. - 105 млн рублёў, ці 25,4 тыс. еўра]. Гранічны памер фонду для кандыдатаў у дэпутаты парламента — адна тысяча базавых велічынь [35 млн рублёў].
Аднак, паводле слоў Ярмошынай, «магчыма, гэтая норма будзе развівацца, у залежнасці ад таго, як яна будзе рэалізоўвацца на практыцы». «Не выключана, што практыка правядзення прэзідэнцкіх выбараў пакажа, што гранічныя памеры фонду трэба павялічваць», — сказала яна.
«Думаю, у гэтай нормы самыя вялікія перспектывы на далейшую змену, паколькі яна ў нас з’явілася практычна на голым месцы. Мы раней яе не прымянялі», — падкрэсліла кіраўнік ЦВК.
Ярмошына адзначыла, што пры распрацоўцы нормы аб індывідуальным выбарчым фондзе кандыдата ў дэпутаты за аснову ўзятыя многія палажэнні расійскага заканадаўства таго часу, калі дзейнічала мажарытарная выбарчая сістэма.
Цяпер чытаюць
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары