Паводле інфармацыі «Беларускага Гаюна», з сярэдзіны ліпеня выкарыстоўваюць старыя вайсковыя склады на тэрыторыі былога вайсковага гарадка № 28 «Паплавы» пад Асіповічамі. Актыўнасць на тэрыторыі былога ваеннага гарадка каля вёскі Паплавы была заўважаная пасля пачатку прыбыцця буйных арганізаваных калон ПВК «Вагнер» у намётавы лагер у вёсцы Цэль.
Вядома, што на гэтай тэрыторыі прысутнічае 15 будынкаў, з якіх 10 — гэта ваенныя склады плошчай да 1070 кв. м. Таксама там ёсць старое сховішча тэхнікі і некалькі каравульных памяшканняў.
Паводле даных «Беларускага Гаюна», склады пачалі выкарыстоўваць прыкладна 18 ліпеня, што пацвярджаюць і спадарожнікавыя здымкі. Параўноўваючы здымкі ад 17 і 24 ліпеня, бачна, што з розніцай у 7 дзён на тэрыторыі былога ваеннага гарадка з'явілася мінімум 6 зон з бачнымі зменамі. Можна разгледзець, што на 24 ліпеня ўжо былі раз'езджаныя некаторыя пад'езды да ангараў.
24 ліпеня паведамлялася аб калоне ПВК «Вагнер», якая складаецца мінімум з 80 машын, якая рухалася па М5 з боку лагера ў вёску Цэль і збочыла з трасы на вёску Вярэйцы. Тая калона магла ехаць як на Асіповіцкі палігон, так і да вайсковых складоў каля в. Паплавы. У абодвух выпадках паварот з трасы на в. Вярэйцы дазваляе прыбыць па значна менш характэрнай дарозе, інакш трэба было б ехаць праз Асіповічы, дзе вышэйшая шчыльнасць трафіку і больш людзей маглі іх убачыць.
Адлегласць ад лагера ў вёсцы Цэль да ваенных складоў каля в. Паплавы складае 27 км, або 30 хвілін на машыне.
На абедзе Лукашэнкі і Сі Цзіньпіна прысутнічала і адзіная дачка кітайскага лідара11
Каментары