Pavodle infarmacyi «Biełaruskaha Hajuna», ź siaredziny lipienia vykarystoŭvajuć staryja vajskovyja składy na terytoryi byłoha vajskovaha haradka № 28 «Papłavy» pad Asipovičami. Aktyŭnaść na terytoryi byłoha vajennaha haradka kala vioski Papłavy była zaŭvažanaja paśla pačatku prybyćcia bujnych arhanizavanych kałon PVK «Vahnier» u namiotavy łahier u vioscy Cel.
Viadoma, što na hetaj terytoryi prysutničaje 15 budynkaŭ, ź jakich 10 — heta vajennyja składy płoščaj da 1070 kv. m. Taksama tam jość staroje schovišča techniki i niekalki karavulnych pamiaškańniaŭ.
Pavodle danych «Biełaruskaha Hajuna», składy pačali vykarystoŭvać prykładna 18 lipienia, što paćviardžajuć i spadarožnikavyja zdymki. Paraŭnoŭvajučy zdymki ad 17 i 24 lipienia, bačna, što z roźnicaj u 7 dzion na terytoryi byłoha vajennaha haradka źjaviłasia minimum 6 zon z bačnymi źmienami. Možna razhledzieć, što na 24 lipienia ŭžo byli raźjezdžanyja niekatoryja padjezdy da anharaŭ.
24 lipienia paviedamlałasia ab kałonie PVK «Vahnier», jakaja składajecca minimum z 80 mašyn, jakaja ruchałasia pa M5 z boku łahiera ŭ viosku Cel i zbočyła z trasy na viosku Viarejcy. Taja kałona mahła jechać jak na Asipovicki palihon, tak i da vajskovych składoŭ kala v. Papłavy. U abodvuch vypadkach pavarot z trasy na v. Viarejcy dazvalaje prybyć pa značna mienš charakternaj darozie, inakš treba było b jechać praz Asipovičy, dzie vyšejšaja ščylnaść trafiku i bolš ludziej mahli ich ubačyć.
Adlehłaść ad łahiera ŭ vioscy Cel da vajennych składoŭ kala v. Papłavy składaje 27 km, abo 30 chvilin na mašynie.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary