Свет2727

Еўрасаюз будзе падтрымліваць беларусаў столькі, колькі неабходна — Барэль

Вярхоўны прадстаўнік Еўрасаюза па замежных справах і палітыцы бяспекі Жазэп Барэль заявіў, што ЕС гатовы аказаць Беларусі дапамогу па стабілізацыі сітуацыі ў эканоміцы пасля правядзення ў ёй свабодных і дэмакратычных выбараў, паведамляе «Радыё Свабода».

Жазэп Барэль. Фота: AP Photo / Francois Walschaerts

«Мы заклікаем улады Беларусі ўступіць у сапраўдны і інклюзіўны дыялог з усімі слаямі грамадства, які б вёў да свабодных і справядлівых выбараў. ЕС абавязваецца дапамагчы Беларусі стабілізаваць эканоміку і рэфармаваць інстытуты, калі Беларусь стане на шлях пераходу да дэмакратыі», — заявіў Жазэп Барэль ад імя Еўрасаюза з нагоды трэцяй гадавіны прэзідэнцкіх выбараў, вынікі якіх былі сфальсіфікаваныя.

Тэкст адпаведнай заявы на трох мовах — англійскай, беларускай і рускай — апублікаваны на афіцыйным сайце Еўрасаюза.

Барэль падкрэсліў, што мэта Еўрасаюза — «садзейнічаць павышэнню ўстойлівасці і ажыццяўленню новых дэмакратычных рэформаў, ствараць новыя працоўныя месцы і павышаць узровень жыцця людзей, у тым ліку праз Усеахопны план эканамічнай падтрымкі дэмакратычнай Беларусі з бюджэтам да трох мільярдаў еўра».

«ЕС будзе падтрымліваць беларусаў столькі, колькі неабходна, на іх шляху да пабудовы незалежнай, дэмакратычнай і квітнеючай краіны, якая б была часткай мірнай Еўропы», — заявіў еўрачыноўнік.

Вярхоўны прадстаўнік Еўрасаюза таксама выказаў занепакоенасць станам правоў чалавека ў Беларусі ў сувязі з павелічэннем колькасці палітвязняў, размяшчэннем у Беларусі наймітаў ПВК «Вагнер» як дэстабілізуючым уплывам у рэгіёне і рызыкай, якую яны ўяўляюць для суверэнітэту Беларусі.

«ЕС будзе працягваць ціснуць на беларускі рэжым так доўга, як гэта спатрэбіцца. ЕС высока ацэньвае і падтрымлівае намаганні беларускага дэмакратычнага руху. Рашучасць беларускага народа, які з высокай рызыкай для сябе працягвае адстойваць дэмакратыю, з'яўляецца фактарам, які ўсяляе вялікую надзею.

ЕС аказвае падтрымку ахвярам рэпрэсій, праваабаронцам, арганізацыям грамадзянскай супольнасці, незалежным СМІ і журналістам, студэнтам і кампаніям у выгнанні, а таксама ініцыятывам, накіраваным на захаванне беларускай ідэнтычнасці, культуры і мовы», — заявіў Жазэп Барэль.

Каментары27

  • Mafkees
    08.08.2023
    Космические корабли бороздят просторы большого театра.. Помогите лучше Украине навести порядок в регионе.
  • Boris
    08.08.2023
    дада, закрывая понгранпереходы. знаем вашу поддержку.  
  • Саўка ды Грышка
    08.08.2023
    2 Байполы, 2 Моладзевых Хабы, Офіс Віленскі, НАУ Варшавянскі, Каардынацыйная Рада агульнабеларускасходаўская, Габінэт Пераходны прыпраўлены Азаравым, Байсол самы чэсны, Праваабаронцы безлічныя, Медыі ў Маліне - эх, Барэль, як бы вам там на кагосці не забыцца, вельмі мы ў Беларусі непакоімся!

Цяпер чытаюць

БНТУ: Выкладчык, які ўцякаў ад міліцыі, памёр ад сардэчнага прыступу6

БНТУ: Выкладчык, які ўцякаў ад міліцыі, памёр ад сардэчнага прыступу

Усе навіны →
Усе навіны

Журналісты атрымалі доступ да сакрэтных планаў расійскіх ядзерных вайсковых баз3

Трамп прапанаваў Канадзе доступ да абароны пад «Залатым купалам». Пры адной умове5

Грошы для былога палітвязня Андрэя Чапюка сабралі менш чым за паўсутак

У Германіі адмяняюць нядаўна ўведзеную магчымасць «экспрэс-натуралізацыі»

«Муж быў супраць таго, каб Анжаліка сустракалася з дзецьмі з іншым мужчынам». Аўтар расследавання пра Мельнікаву падзяліўся некаторымі дэталямі6

Мерц паабяцаў дапамагчы Украіне з распрацоўкай уласнай дальнабойнай зброі1

«Вінны 500 рублёў». Беларус вырашыў захоўваць зберажэнні ў еўра, але трапіў у невідавочную пастку1

Фатограф-агент Мішчук расказаў сваю версію таго, што адбылося12

У Мінску здаецца пасутачна кватэра, у якой няма дзвярэй у прыбіральню. З канапы адкрываецца від і на тэлевізар, і на ўнітаз

больш чытаных навін
больш лайканых навін

БНТУ: Выкладчык, які ўцякаў ад міліцыі, памёр ад сардэчнага прыступу6

БНТУ: Выкладчык, які ўцякаў ад міліцыі, памёр ад сардэчнага прыступу

Галоўнае
Усе навіны →

Заўвага:

 

 

 

 

Закрыць Паведаміць