Пасля вымушанага перапынку Дэпартамент прававой дапамогі Цэнтра беларускай салідарнасці неўзабаве адновіць сваю працу. Гэтай навіной у эфіры радыё «Рацыя» падзялілася кіраўніца дэпартамента Вольга Дабравольская.
«Акурат сёння мы даведаліся, што ў нас будзе магчымасць аднавіць спачатку, можа, часткова працу, але ўжо ўпэўнена магу сказаць, што Аддзел прававой дапамогі ЦБС паволі будзе аднаўляць сваю працу. І старт наш ужо запланаваны на жнівень, то-бок праз некалькі дзён мы пачнем прымаць новыя заяўкі», — паведаміла Вольга Дабравольская.
У сярэдзіне мая Дэпартамент прававой дапамогі ЦБС прыпыніў працу праз недахоп фінансавання. Цяпер дэпартамэнт у першую чаргу працягне адвакатаванне беларускіх мігрантаў у Польшчы, а ў жніўні вернецца да аказання індывідуальнай дапамогі перадусім былым палітвязням і актывістам, якія апынуліся ў цяжкай жыццёвай сітуацыі.
Цяпер чытаюць
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат8
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1212
Каментары