На «Нафтане» не спыняюцца звальненні за палітыку. Прычына — падпіскі на незалежныя тэлеграм-каналы
Стала вядома пра звальненне яшчэ трох працаўнікоў заводаў «Нафтан» і «Палімір». Адбылося гэта каля двух тыдняў таму.
Усіх звольненых абвінавацілі ў падпісцы на пратэсныя каналы завода.
Таксама стала вядома, што існуе канал, які вядзе нехта з адміністрацыі завода, дзе публікуюцца «ганебныя спісы» затрыманых і звольненых за падпіскі на незалежныя медыя. Пазначаюцца поўныя звесткі гэтых людзей, а таксама публікуюцца відэа з імі, узятыя з каналаў ГУБАЗіКа.
Уласна ў гэтым канале і паведамілі пра новыя звальненні.
Былы працаўнік «Нафтана» і стачкамавец Аляксандр Сакалоў кажа, што дакладна невядома, хто вядзе такі канал. Гэта можа быць як рэдакцыя газеты «Веснік Нафтана», гэтак і ідэолагі завода і нават спецслужбы.
«На заводзе кіруюць кадэбісты. Кіраўніцтва ніжэйшага ўзроўню выконвае загады, а кіраўнікі завода, прынамсі, частка з іх, не супраць такіх мер, нават за. У кіраўніцтве асабліва праславіўся тым, што спрыяе звальненню нязгодных, галоўны інжынер прадпрыемства Юрый Крывач», — кажа Аляксандр.
Нагадаем, у сярэдзіне мая адбылася вялікая аблава на працаўнікоў «Нафтана» і «Паліміра». Па яе выніках было пакарана і звольнена 16 чалавек. Большую частку людзей судзіла сумнавядомая Зінаіда Балаболава, якая нядаўна патрапіла пад санкцыі ЕС.
«Наша Нiва» — бастыён беларушчыны
ПАДТРЫМАЦЬЦяпер чытаюць
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія1
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары