За падтрымку Украіны на 13 сутак арыштавалі супрацоўніка наваполацкага «Паліміра»
Суддзя суда Наваполацка Таццяна Хрыпач 27 ліпеня пастанавіла за правядзенне не дазволенага ўладамі «пікета ў сацыяльных сетках» арыштаваць на 13 сутак апаратчыка палімерызацыі цэха №102 ААТ «Нафтан» завода «Палімір», бегуна на доўгія дыстанцыі Андрэя Беразоўскага, піша «Віцебская вясна».

На судовым пасяджэнні было ўстаноўлена, што «правапарушальнік» выказваў грамадска-палітычныя, асабістыя і іншыя інтарэсы шляхам публікацыі ў агульным доступе на сваёй старонцы ў фэйсбуку фотаздымкаў сябе і выявы з надпісам «Слава Украіне» на фоне сіня-жоўтага колеру.
Каментары