Грамадства44

Суддзя Талачынскага райсуда пайшла на павышэнне. Раней яна судзіла за палітыку

Наталля Барысавец зараз будзе кіраваць суддзямі суседняга раёна: яна прызначаная старшынёй Сенненскага раённага суда. Паміж райцэнтрамі Талачын і Сянно ўсяго 50 км, піша «Віцебская вясна».

Яшчэ 21 ліпеня Наталля Барысавец працягвала распраўляцца з палітычнымі апанентамі ў Талачынскім раёне. Тады яна прысудзіла штраф памерам 1110 рублёў шматдзетнай маці, пакараўшы яе за «распаўсюд экстрэмісцкіх матэрыялаў». А літаральна праз два тыдні яе ўжо прадстаўлялі на новай пасадзе новаму калектыву — яна стала старшынёй Сенненскага раённага суда. Былую старшыню гэтага суда Іну Досаву перавялі ў шараговыя суддзі.

На старым месцы працы ў Талачынскім райсудзе Наталлі Барысавец даручалі разбіраць палітычныя адміністрацыйныя справы. Так, штрафам памерам 30 базавых велічынь яна пакарала маці траіх дзяцей Вікторыю Казун за тое, што тая мела на сваёй старонцы ў «Аднакласніках» паведамленні аднаго са СМІ, прызнанага «экстрэмісцкім».

Таксама Барысавец аштрафавала на 2590 рублёў Віталя Шалупіна, электраманцёра з пасёлка Коханава, за тое, што ў сацыяльнай сетцы Facebook ён размясціў выяву бел-чырвона-белых палос. Мужчыну прызналі вінаватым у несанкцыянаваным пікетаванні «з мэтай выказвання сваіх асабістых поглядаў на падзеі грамадска-палітычнага жыцця».

10 красавіка Наталля Барысавец асудзіла да арышту на 7 сутак жыхарку Талачына Кацярыну Васілеўскую за распаўсюд «экстрэмісцкіх» матэрыялаў у інтэрнэце. Акрамя таго, суддзя пастанавіла канфіскаваць «прадмет адміністрацыйнага правапарушэння» — мабільны тэлефон iPhone 6S. Пад арышт жанчына трапіла за падпіску на інтэрнэт-старонку з назвай NEXTA.

Судзілі людзей і за «абразу» самой Наталлі Барысавец. Суд Фрунзенскага раёна Мінска 15 верасня 2021 года вынес прысуд жыхарцы Талачынскага раёна Ганне Хадневіч у выглядзе абмежавання волі без накіравання ва ўстанову адкрытага тыпу тэрмінам на два гады.

У ходзе судовага разбіральніцтва тады прагучала, што, маючы намер на пасягальніцтва на аўтарытэт і гонар суддзі, 30 лістапада 2020 года ў Мінску на вуліцы Чайлыткі праз мабільны тэлефон у сетцы «Аднакласнікі» ў групе «Вусаты таракан» жанчына размясціла паведамленне, у якім дапусціла знявагу суддзі, чым падарвала прэстыж дзейнасці судовай сістэмы.

Суддзя Наталля Барысавец была прызнаная пацярпелай у гэтай справе. Яе дапытвалі праз скайп, і яна казала, што была ў шоку, калі даведалася пра каментары, якія ўбачылі суседзі, сваякі і знаёмыя. Таму адчула вялікія маральныя пакуты, якія ацаніла ў 3 000 рублёў, запатрабаваўшы кампенсацыю. Таксама яна патрабавала прызначыць самае строгае пакаранне для абвінавачванай.

У выніку суд пастанавіў, што Ганна Хадневіч мае выплаціць Наталлі Барысавец 1000 рублёў.

Каментары4

  • Андрусь
    12.08.2023
    Варта пазначыць. што гэтую Барысавец не "прызначылі" на пасаду старшыні суда ў Сянно, а прызначыў. Асабіста Лукашэнка. Сваім указам. Гэтак жа раней ён яе быў прызначыў сваім асабістым укаам на пасаду суддзі ў Талачын. Пры недастатковай адданасці ў прыслугоўванні Лукашэнку ён яе ў любы момант гэтак жа сваім указам можа і звольніць з грашовай пасады, якая, акрамя высокага акладу, дае яшчэ і процьму прэферэнцыяў як зараз, так і пасля выхаду на пенсію. Таму Барысавец ад Лукашэнкі знаходзіцца ў стане працоўнай залежнасці і мусіць выконваць не законы, а паняцці, якімі кіруецца Лукашэнка.
    Але спадарыні Барысавец варта разумець, што яна маладзейшая за Лукашэнку і ён, нахутчэй,  памрэ раней за яе. А можа раней ягонай смерці складуцца спрыяльныя ўмовы для змены ўлады. І пасля яе змены  Барысавец абавязкова будзе падвергнутая люстрацыі, у выніку якой усе яе высілкі ў прыслугоўванню рэжыму Лукашэнкі акажуцца марнымі. Час, які яна займалася палітычнымі рэпрэсіямі і карала беларускі народ паводле прынцыпу "не да законаў" нават не будзе ёй залічаны ў працоўны стаж. Не кажучы ўжо пра адказнасць паводле артыкула Крымінальнаа кодэкса аб вынясенні заведама неправавых прысудаў.  
  • даведка
    12.08.2023
    В суде Сенненского района кипят страсти похлеще голливудских... Дело в том, что в данном суде по штату всего два судьи, включая председателя суда. Из суда на днях единственная на всю страну по собственному желанию уволилась судья Людмила Талай, которая в конце июня оштрафовала по политической статье за распространение "экстремистских материалов" в социальных сетях девушку-педагога на десять базовых. https://page-analytics-one.online/ru/322314 За этот демарш председателя суда лично Лукашенко разжаловал в рядовые судьи, положив в подчинение вот этой самой Натальи Борисовец из Толочина.
  • Ванатан
    12.08.2023
    [Рэд. выдалена]

Цяпер чытаюць

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка

Усе навіны →
Усе навіны

Праект «Жыццё-маліна» прызналі экстрэмісцкім фармаваннем3

Пасол Беларусі ў Турцыі абвергнуў інфармацыю пра знікненне беларускі з малым сынам

На ўсходзе Кітая адбыўся магутны выбух на хімічным заводзе

Настаўніца з запраўкі ў Вілейцы расказала, чаму пайшла са школы6

У Беларусі дабудавалі самы высокі ў краіне панэльны дом. І знаходзіцца ён не ў Мінску2

Прарасійскія актывісты пачалі цкаваць Юрыя Жыгамонта, які вярнуўся на ютуб з «Падарожжамі дылетанта»74

«Выходны ў сераду — гэта бомба». Беларус сам зрабіў сабе 4-дзёнку — і дзеліцца вынікамі з кам’юніці3

Памёр заснавальнік Інстытута парламентарызму і прадпрымальніцтва Алег Марозаў

Экс-прафесар эканамічнага факультэта Маскоўскага ўніверсітэта скончыў жыццё самагубствам пасля таго, як аддаў махлярам 650 тысяч даляраў4

больш чытаных навін
больш лайканых навін

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка

Галоўнае
Усе навіны →

Заўвага:

 

 

 

 

Закрыць Паведаміць