Грамадства2727

Азаронак прапануе паставіць бюст кадэбэшніку Федасюку, які загінуў у перастрэлцы з Зельцэрам, і назваць у яго гонар вуліцу

Прапагандысты думаюць, як ушанаваць памяць супрацоўніка КДБ Дзмітрыя Федасюка.

азаронак азаренок
Скрын відэа эфіру «Мінск-Навіны»

9 жніўня была заснавана прэмія Дзмітрыя Федасюка. Пра гэта абвесцілі на паседжанні штаба патрыятычных сіл Беларусі пры Лукашэнку.

Старшыня «Белай Русі» Алег Раманаў тлумачыць, што гэта прэмія грамадзянскай супольнасці. «Яе лаўрэатамі стануць тыя, хто ўносіць найбольшы ўклад у забеспячэнне бяспекі нашай краіны ў гуманітарнай і іншых сферах».

Прапагандыст Рыгор Азаронак у эфіры «Мінск-Навін» выказаўся, што гэтага недастаткова:

«Вось ужо неўзабаве другая гадавіна гэтай трагедыі. Цяпер важна ні ў якім разе не даць гэта замусоліць. 

Павінна быць і вуліца, і бюст. Бо маці павінна прывесці дзіця на вуліцу Федасюка і сказаць: гэта малады хлопец, бацька дзяцей, Герой Беларусі, узнагароджаны ордэнам за асабістую мужнасць, якога забіў змагар. Каб гэта адбілася ва ўсяго народа назаўсёды!»

«Адаб’ецца, калі здымуць мастацкі фільм», — агучыла сваё бачанне вядучая Алёна Радоўская.

Перастрэлка ў кватэры айцішніка Андрэя Зельцэра здарылася 28 верасня 2021 года. Калі сілавікі ўварваліся да яго, ён сустрэў іх са зброўя. Зельцэр і Федасюк загінулі ў той перастрэлцы. Тое, што адбывалася, здымалася на відэа Зельцэрам і яго жонкай. 

Жонку Зельцэра Марыю Успенскую пасля арыштавалі. Яе абвінавацілі ў саўдзеле ў забойстве супрацоўніка КДБ, але вызвалілі ад крымінальнай адказнасці, бо яна знаходзілася ў «стане бессвядомасці». Летась ёй прызначылі прымусовае лячэнне ў псіхіятрычным стацыянары.

Па падліках праваабаронцаў, больш за сотню чалавек пасля затрымалі за каментары ў інтэрнэце па гэтай справе.

За заметку ў «Камсамольскай праўдзе» з каментаром аднакласніцы Зельцэра, якая добра адгукалася пра яго, затрымалі журналіста Генадзя Мажэйку. Яму далі тры гады калоніі.

Каментары27

  • Як усе
    13.08.2023
    [Рэд. выдалена]
  • Хтосьці
    13.08.2023
    [Рэд. выдалена]
  • Вольга
    13.08.2023
    [Рэд. выдалена]
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Фатограф-агент Мішчук расказаў сваю версію таго, што адбылося

Фатограф-агент Мішчук расказаў сваю версію таго, што адбылося

Усе навіны →
Усе навіны

Настаўніца з Кобрына расчуліла тыкток відэа з лістамі ад бацькоў

Уводзяцца новыя правілы для аўтамабільных парковак2

«Калі позву адправілі памылкова, грамадзянін павінен гэта даказаць». У Гомелі ў міліцыю выклікаюць тых, хто не парушаў закон4

Сілавікі пагражаюць коміку Усовічу, які прыехаў адпачыць на Нарач6

Як у медуніверсітэтах вырасла колькасць мэтавікоў за апошнія гады — змены істотныя

Прэзідэнт Літвы пазбавіў палітыка, які нядаўна ездзіў у Мінск, дзяржаўнай узнагароды2

«Анёл» шукае чалавека, які знік больш чым чвэрць стагоддзя таму

Віцэ-прэм'еры атрымаюць дадатковыя паўнамоцтвы1

Мядзведзю не дала прайсці з Літвы ў Беларусь памежная сцяна ВІДЭА

больш чытаных навін
больш лайканых навін

Фатограф-агент Мішчук расказаў сваю версію таго, што адбылося

Фатограф-агент Мішчук расказаў сваю версію таго, што адбылося

Галоўнае
Усе навіны →

Заўвага:

 

 

 

 

Закрыць Паведаміць