Беларусу і расіянам з казахстанскага футбольнага клуба дазволяць наведаць Чэхію. Пытанне вырашалася на ўрадавым узроўні
Прэс-сакратар урада Чэхіі Вацлаў Смолка паведаміў, што прэм'ер-міністр краіны Пётр Фіяла паабяцаў зрабіць выключэнне для расійскіх і беларускіх гульцоў казахстанскага «Табола», у якіх узніклі праблемы з атрыманнем візы, піша «Прессбол».
«Мы гатовыя дзейнічаць такім чынам, каб не нанесці шкоду інтарэсам і прэстыжу чэшскіх футбольных клубаў у Еўропе», — заявіў Смолка.
Раней беларускі паўабаронца Павел Забелін, а таксама расіяне Іван Канавалаў, Альберт Габараеў і Павел Кірэенка не атрымалі дазволу на ўезд у Чэхію на гульню ў адказ плэй-оф Лігі канферэнцый супраць мясцовага клуба «Вікторыя Пльзень».
Па інфармацыі выдання Denik.cz, інфармацыя аб праблеме з выдачай візы расійскім і беларускім гульцам «Табола» раней трапіла на стол кіраўніка УЕФА Аляксандра Чэферына.
Цяпер чытаюць
Начальнік міліцыі Брагіна страляў у сваю жонку. Яна цудам выжыла7
Каментары