«Я табе не дзяўчынка!» Жанчына перапужалася сустрэчы з аленем. Але гісторыя атрымала цікавы працяг
Гэта відэа з беларускага лесу мае ў тыктоку амаль 825 тысяч праглядаў.
У роліку бачна, як жанчына хаваецца ад аленя за сасной, а той падымаецца на заднія ногі і спрабуе падысці да яе. Жанчына тым часам вядзе сябе смела і спрабуе адагнаць ад сябе жывёлу з дапамогай палкі і крыкаў. Яна кажа жывёле «я табе не дзяўчынка» — маўляў, алень пераблытаў яе з самкай-аляніхай.
Гэтую сцэну здымае знаёмы жанчыны. Яна просіць яго падагнаць бліжэй машыну — маўляў, інакш ад аленя не пазбавіцца.
У каментарах да роліка аб’явіўся гаспадар жывёлы. Ён патлумачыў, што алень ручны і жыве ў яго ўжо чатыры гады, імя жывёлы — Фёдар. Алень прышчэплены ад шаленства, а ў відэа ён б’ецца, бо баіцца рэзкіх рухаў — верагодна, Фёдара якраз перапужалі паводзіны жанчыны, якая спрабавала прагнаць яго палкай.
Гаспадар удакладняе, што ўсё адбываецца ля хутара Козлікі. Гаворка пра аднайменную вёску ў Валожынскім раёне, зусім недалёка ад Налібоцкай пушчы.
На старонцы ў гаспадара аленя ёсць мілае відэа, як кот лашчыцца да Фёдара.
«Наша Нiва» — бастыён беларушчыны
ПАДТРЫМАЦЬПранк на мінскім вакзале парваў тыкток — хлопец прыйшоў на цягнік з гіганцкім квітком
«Палешукі сталі Хобсамі». Як беларусы адсылаюць сваё ДНК у Амерыку і шукаюць продкаў па тэстах
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары