89-гадовая Сафі Ларэн перанесла экстранную аперацыю пасля падзення ў ванным пакоі
Легенда сусветнага кіно атрымала некалькі сур'ёзных пераломаў розных частак сцягна і косткі сцягна.
Італьянская актрыса Сафі Ларэн перанесла тэрміновую аперацыю пасля падзення ў ванным пакоі ў сваім доме ў Швейцарыі, паведамляе Бі-бі-сі.
89-гадовая актрыса атрымала некалькі сур'ёзных пераломаў розных частак сцягна і косткі сцягна, паведаміла агенцтву PA яе імпрэсарыа Андрэа Джусці.
Яна таксама пацвердзіла, што абодва сыны актрысы, Карла і Эдаарда Понці, знаходзяцца побач з маці.
Джусці паведаміла, што аперацыя прайшла добра. «Цяпер ёй трэба адпачыць, і ўсё абыдзецца», — дадала яна.
Ларэн, якая нарадзілася ў беднай сям'і ў Неапалі, стала галівудскай зоркай, атрымаўшы ў 1962 годзе прэмію «Оскар» за фільм Віторыа Дэ Сіка «Дзве жанчыны» (La Ciociara), які распавядаў гісторыю пра згвалтаванне жанчыны ў ваенны час.
Гэта была першая карціна не на англійскай мове, якая ўдастоілася «Оскара».
Ларэн здымалася ў фільмах з такімі галівудскімі зоркамі, як Марлон Брандо, Фрэнк Сінатра і Кэры Грант.
У 1990 годзе Ларэн атрымала ганаровага «Оскара» за ўнёсак у кінамастацтва, а ў 2021 годзе сыграла ў фільме «Будучае жыццё», знятым сынам Ларэн Эдаарда, які высока ацанілі крытыкі.
Зорка знялася ў ролі жанчыны, якая перажыла Халакост, што пасябравала з 12-гадовым сенегальскім імігрантам.
«Небаракі» Ёргаса Ланцімаса атрымалі «Залатога льва» на Венецыянскім кінафестывалі
«Для мяне ўсё адназначна». Ігар Сігоў, сэкс-сімвал беларускага кіно, скончыў здымацца ў Расіі і працуе таксістам
Выйшаў трэці сезон «Забойстваў у адным будынку» — дэтэктыва, у якім змешаныя класіка і сучаснасць. У ім знялася і Мэрыл Стрып
Цяпер чытаюць
Шаснаццаць градусаў. Расійскі карэспандэнт паскардзіўся, што змерз у лукашэнкаўскім палацы23
Каментары