Малдова больш не будзе закупляць прыродны газ у «Газпрама», бо рэспубліцы ўдалося атрымаць больш танны газ з альтэрнатыўных крыніц. Пра гэта 28 верасня заявіў кіраўнік малдоўскага Мінэнерга Віктар Парлікаў на Еўраатлантычным форуме ўстойлівасці ў Бухарэсце, піша РБК.
Фота: «Наша Ніва»
«Мы больш не будзем закупляць прыродны газ у «Газпрама» на тэрыторыі, кантраляванай канстытуцыйнымі ўладамі <…> Нам не толькі ўдалося атрымаць газ з іншых крыніц, мы ўвесь газ закупілі цалкам з еўрапейскага рынку», — заявіў ён.
Парлікаў падкрэсліў, што Малдове ўдалося зрабіць гэта па больш нізкай цане, чым у формуле, прапісанай у кантракце з «Газпрамам».
Са слоў кіраўніка Мінэнерга, Кішынёў больш не залежыць цалкам ад расейскага газу, як гэта было да 2021 года.
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары
Малдове трэба аднаўляць ўладу на тэрыторыі акупаванай расейцамі Трансністрыі aka ПМР.
Тым больш, што пасля таго, як гэта зрабіў Азербайджан у Карабаху пры поўнай бяздзейнасці расейскіх "міратворцаў", а Пуцін у чарговы раз праглынуў гібель сваіх вайскоўцаў ("Она утонула") - ў Крамля няма ні вайсковых, ні палітычных інструментаў неяк супрацьдзейнічаць аднаўленню малдоўскага суверэнітэта над Трансністрыяй. Сумняюся, што ў насельніцтва "ПМР" існуе вялікі энтузіязм бараніць тамтэйшую марыянетачную мафіёзна-тэрарыстычную ўладу, якая займаецца палітычнымі забойствамі (апошнім выпадкам было забойства Алега Хоржана ў ліпені 2023). Праблема толькі ў палітычнай волі ўладаў Малдовы.