Вайна33

У Кіеве адшукалі зніклы два гады таму помнік Жызнеўскаму, а беларускія добраахвотнікі аднавілі народны мемарыял суайчынніку

Мармуровы памятны знак з вуліцы Грушэўскага ў Кіеве быў звезены ў лесапасадку. Цяпер валанцёры дабрачыннага фонду «Валошка» занятыя пошукам дакументаў, якія ўзаконьвалі ўсталяванне помніка, каб вярнуць яго на месца.

Помнік Міхаілу Жызнеўскаму, які адшукалі ў лесапасадцы. Фота: фонд «Валошка»

У дабрачынным фондзе «Валошка» кажуць, што помнік Міхаілу Жызнеўскаму прыбралі ў 2021 годзе і адшукаць яго на працягу двух гадоў не ўдавалася.

Сёння, 13 кастрычніка, валанцёрам фонду жыхары Кіева паведамілі, што помнік загінуламу на Майдане беларусу знаходзіцца ў кустоўі лесапасадкі. Гэта за некалькі сот метраў ад месца, дзе яго ўсталявалі. Помнік упакаваны для транспартавання.

У фондзе адзначаюць, што цяпер на вуліцы Грушэўскага, дзе раней стаялі два помнікі, адзін з якіх Жызнеўскаму, размешчаны мемарыял у памяць аб загінулых байцах антытэрарыстычнай аперацыі. Пры яго ўсталяванні помнік беларусу і прапаў. 

«Цяпер ён валяецца ў лесапасадцы, і мы не ведаем, што рабіць далей. Помнік, які стаяў побач з помнікам Жызнеўскаму, перанесены і стаіць. На абодва былі дакументы, але цяпер трэба яшчэ іх адшукаць», — даводзіць кіраўніца фонду Анжэла Душаева.

Яна мяркуе, што помнік прыбралі камунальныя службы горада, якія меліся яго паставіць у вызначае месца.

На адкрыццё помніка Міхаілу Жызнеўскаму прыязджалі яго бацькі: Ніна і Міхаіл Жызнеўскія. Фота: kiev.segodnya.ua

Міхаіл Жызнеўскі быў адным з першых загінулых абаронцаў Майдану ў студзені 2014 года. Хлопца застрэліў невядомы снайпер. Помнік Жызнеўскаму паставілі непадалёк ад месца, дзе яго забілі ў лістападзе 2014-га — на вуліцы Грушэўскага. Тады ж беларуса прэзідэнт Украіны Пятро Парашэнка пасмяротна ўзнагародзіў ордэнам Герояў Нябеснай сотні, а ў 2017 годзе надаў яму званне Героя Украіны

Сёння ж беларускія добраахвотнікі аднавілі памятны знак Жызнеўскаму, які стаяў на месцы, дзе быў забіты абаронца Майдану. Пра гэта паведаміў «Нашай Ніве» беларускі добраахвотнік з пазыўным «Ракета».

Памятны знак Міхаілу Жызнеўскаму, які адрамантавалі беларускія добраахвотнікі. Фота: скрын відэа добраахвотніка з пазыўным «Ракета»

Імя Жызнеўскага ўвекавечана і на памятным знаку, усталяваным на вуліцы Беларускай.

Некаторыя з яго фрагментаў былі дэмантаваныя. Сярод іх надпіс «Жыве Беларусь». Цяпер актывісты патрабуюць аднавіць памятны знак. У розныя інстанцыі дасланыя звароты, на якія пакуль няма адказаў.

Дэмантаваць частку памятнага знака, настойваюць актывісты, загадала кіраўніцтва Кіеўскага нацыянальнага ўніверсітэта тэхналогій і дызайну. Ён усталяваны на будынку Прафесійнага каледжа мастацтваў і дызайну, які падпарадкуецца ўніверсітэту.

Анжэла Душаева лічыць, што на аднаўленне памятнага знака ў кіраўніцтва горада няма «палітычнай волі».

«Без загаду там нічога не робяць. Як была б палітычная воля, то на месца даўно былі б вернутыя беларускі і ўкраінскія сцягі ды «Жыве Беларусь». Але яны заняліся папяровай цяжбаю. На гэты момант ніхто не вярнуў, ні «Жыве Беларусь», ні Пагоню», — даводзіць кіраўніца фонду «Валошка».

Паводле яе, прыглядаць за памятным знакам на Беларускай узяліся каліноўцы і іншыя беларускія добраахвотнікі, якіх абурае непаважлівае стаўленне чыноўнікаў да памяці загінулых беларусаў за незалежнасць Украіны.

Памятны знак палеглым за Украіну беларусам у Кіеве на вуліцы Беларускай пасля дэмантажу некаторых элементаў. Фота: Анжэла Душаева

Памятны знак беларусам, палеглым за Украіну, быў адкрыты ў 2016 годзе. Ім ушанаваныя акрамя Міхаіла Жызнеўскага байцы тактычнай групы «Беларусь» Алесь Чаркашын і Віталь Ціліжэнка, а таксама парамедык марской пяхоты Украінскіх узброеных сіл Мікола Ільін.

5 кастрычніка ў парламенце Украіны запатрабавалі ад уладаў Кіева аднавіць мемарыял беларусам.

«Наша Нiва» — бастыён беларушчыны

ПАДТРЫМАЦЬ

Глядзіце таксама:

Актывісты будуць аднаўляць пашкоджаны знак беларускім байцам у Кіеве

На магіле Міхаіла Жызнеўскага пад Гомелем паставілі помнік з Пагоняй і Трызубам ФОТАФАКТ

Беларус Аляксей Скобля, які загінуў, абараняючы Кіеў, атрымаў званне Героя Украіны пасмяротна

Каментары3

  • ад
    13.10.2023
    Але трэба аддаць належнае Лукашэнку
  • Базыль з-пад Хойнiкау
    15.10.2023
    Вышевата в своем амплуа... Дальше только матерно...
  • ПКК на заметку
    10.11.2023
    Сейчас он валяется в лесополосе, и мы не знаем, что делать дальше. Памятник, стоявший рядом с памятником Жизневскому, перенесен и стоит.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Трамп: 17 сістэм Patriot адправім ва Украіну3

Трамп: 17 сістэм Patriot адправім ва Украіну

Усе навіны →
Усе навіны

Беларускі верталёт Мі-24 збіў расійскі беспілотнік, які ляцеў ва Украіну8

Забойства палкоўніка СБУ ў Кіеве здзейснілі грамадзяне Азербайджана6

Жыхары аграгарадка звярнуліся да Лукашэнкі: дзіцячы садок закрываюць, а малых, нават двухгадовых, будуць вазіць за 20 км10

Як жыве просты мінскі зваршчык, які выйграў тры мільёны рублёў5

Куды аддаць сёлета сваіх дзяцей, каб яны вучыліся па-беларуску1

Краіны ЕС пагадзіліся знізіць цэнавае абмежаванне на расійскую нафту на 15 %

У Францыі зняволены змог збегчы з турмы — яго вынес у сумцы сукамернік, які вызваліўся

Пуцін папярэдзіў Трампа, што ў наступныя 60 дзён плануе чарговы наступ на ўсходзе Украіны5

Сабаленка адарвалася ў рэйтынгу на гіганцкія 4750 балаў5

больш чытаных навін
больш лайканых навін

Трамп: 17 сістэм Patriot адправім ва Украіну3

Трамп: 17 сістэм Patriot адправім ва Украіну

Галоўнае
Усе навіны →

Заўвага:

 

 

 

 

Закрыць Паведаміць