Бацьку палітзняволенага падлетка Мікіты Залатарова арыштавалі шосты раз запар. За кратамі ён з 8 жніўня
Міхаіла Лапунова 23 кастрычніка асудзілі ў судзе Цэнтральнага раёна Гомеля. Яго зноў абвінавацілі паводле арт. 19.11 КаАП (распаўсюд экстрэмісцкіх матэрыялаў).
Міхаіл Лапуноў. Фота: Моцныя навіны
Гэтым разам яго справу разглядала суддзя Таццяна Волкава. Вынік суда пакуль невядомы, піша «Гомельская вясна». Але на волю ён не выйшаў.
Міхаіл быў затрыманы 8 жніўня і з таго часу бесперапынна знаходзіцца за кратамі.
Сын Лапунова — Мікіта Залатароў — адзін з наймалодшых затрыманых у выніку пратэстаў 2020 года. Агульны тэрмін пакарання для яго склаў 4 гады і 6 месяцаў выхаваўчай калоніі.
Падтрымаць палітвязня: ІЧУ УУС Гомельскага райвыканкама. 246027, Гомель, Міжгародняя, 26, Міхаіл Рыгоравіч Лапуноў
Каментары