На нарадзе ў Лукашэнкі абмяркоўваецца пытанне стварэння вайсковых пракуратур
Аляксандр Лукашэнка сабраў сёння вялікую нараду па пытанні стварэння вайсковых пракуратур, піша БелТА.
«Тэма сённяшняга мерапрыемства — вайсковая пракуратура. Не буду характарызаваць абстаноўку ў свеце: вы выдатна яе ведаеце. Проста нагадаю, што ў 2014 годзе было прынята рашэнне аб ліквідацыі сістэмы вайсковых пракуратур», — сказаў Аляксандр Лукашэнка.
Паўнамоцтвы па наглядзе за выкананнем заканадаўства ва Узброеных сілах, іншых войсках і воінскіх фарміраваннях Беларусі перадалі грамадзянскім органам пракуратуры.
«Паўстае заканамернае пытанне: а цяпер абстаноўка ў гэтых абласцях змянілася? Мусіць. Паўстае пытанне: настолькі змянілася, што нам трэба ствараць вайсковыя пракуратуры? — спытаў ён. — Пытанне галоўнае сёння: трэба ці не трэба аднаўляць сістэму пракурорскага нагляду, якая была да 2014 года».
У нарадзе бяруць удзел больш за дзясятак генералаў: кіраўнік Адміністрацыі Ігар Сергеенка, сакратар Рады бяспекі Аляксандр Вольфавіч, яго намеснік Аляксандр Рахманаў, генпракурор Андрэй Швед, старшыня СК Дзмітрый Гора, міністр унутраных спраў Іван Кубракоў, яго намеснік — кіраўнік унутраных войск Мікалай Карпянкоў, старшыня КДБ Іван Церцель, старшыня Памежнага камітэта Дзмітрый Моластаў, міністр абароны Віктар Хрэнін, старшыня Вярхоўнага суда Валянцін Сукала, кіраўнік ААЦ Андрэй Паўлючэнка.
Цяпер чытаюць
Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы10
Каментары