Прычына — памяншэнне колькасці прызыўных рэсурсаў.
Прычына — памяншэнне колькасці прызыўных рэсурсаў.
У Беларусі наспела неабходнасць адмяніць адтэрміноўку ад прызыву на ваенную службу для навучэнцаў завочнай формы навучання, заявіў першы намеснік міністра абароны Пётр Ціханоўскі, прадстаўляючы ў парламенце папраўкі ў закон аб вайсковым абавязку і вайсковай службе.
Прапанова адмяніць адтэрміноўку для студэнтаў-завочнікаў звязаная са штогадовым скарачэннем колькасці прызыўных рэсурсаў для забеспячэння абароны і ваеннай бяспекі дзяржавы. Аналіз колькасці насельніцтва Беларусі па полу і ўзросце паказвае істотнае зніжэнне колькасці мужчын, якія падлягаюць штогадоваму першапачатковаму прыёму на вайсковы ўлік, і, як следства, памяншэнне колькасці прызыўных рэсурсаў. Па дадзеных першага намесніка міністра, за апошні час колькасць мужчын, якім споўнілася 18 гадоў, здольных да вайсковага прызыву, штогод скарачаецца на 5-7%. Так, у 2007 годзе прыдатнымі да службы ў арміі былі прызнаныя больш за 58% прызыўнікоў, у 2008 -- 49%, у 2009 -- амаль 41%. Пётр Ціханоўскі лічыць, што ў бліжэйшыя 2-3 гады сітуацыя не зменіцца.
Першы намеснік міністра падкрэсліў, што Беларусь мае самы вялікі пералік адтэрміновак сярод краін СНД: 28 падстаў для непрызыву, што ахопліваюць 49 катэгорый (у Расіі толькі 21 адтэрміноўка, ва Украіне — 17). На атрыманне адукацыі ў Беларусі атрымліваюць адтэрміноўкі больш за 164 тыс. чалавек ва ўзросце 18-26 гадоў, з іх каля 36 тыс. вучацца на завочнай форме.
-
Дзмітрый «Шэры кот» Казлоў — пра тое, як стаў палітычным блогерам і за гэта аказаўся за кратамі. А цяпер будуе новае жыццё ў выгнанні
-
З пачатку года колькасць беларусаў у Літве з дазволам на пражыванне зменшылася на 10%
-
Жыхары вёскі пад Баранавічамі папрасілі ў чыноўнікаў заасфальтаваць дарогу. Тыя геніяльна вырашылі праблему
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары