Тое, што ў прынцыпе і так было зразумела, пацвярджаюць адразу шэсць крыніц аўтарытэтнага інфармацыйнага агенцтва.
Уладзімір Пуцін вырашыў узяць удзел у прэзідэнцкіх выбарах, якія пройдуць у сакавіку 2024 года, піша Reuters. У выпадку перамогі ён будзе кіраваць як мінімум да 2030 года. Крыніцы Reuters сцвярджаюць, што Пуцін упэўнены, што павінен правесці Расію праз самы небяспечны для краіны перыяд за апошнія дзясяткі гадоў.
З часоў Сталіна 71-гадовы Пуцін кіруе Расіяй даўжэй за ўсіх.
Ягоныя дарадцы, па словах крыніц Reuters, ужо рыхтуюцца да прэзідэнцкай кампаніі і выбараў. Хутчэй за ўсё, яны стануць фармальнасцю — апытанні паказваюць вялікі ўзровень грамадскай падтрымкі, а іншадумства ў грамадстве задушанае.
Афіцыйнае аб'яўленне пра планы Пуціна чакаецца ў бліжэйшыя тыдні.
Цяпер чытаюць
18‑гадовы былы палітвязень расказаў, што ён сваяк Ціханоўскай. Яго затрымалі, калі ён ехаў ваяваць за Украіну2
Каментары