НАУ перадало ў Міжнародны крымінальны суд дадатковыя дакументы, датычныя вывазу ў Беларусь украінскіх дзяцей
7 лістапада Павел Латушка і прадстаўнікі каманды Народнага антыкрызіснага ўпраўлення падчас сустрэчы ў офісе пракурора Міжнароднага крымінальнага суда ў Гаазе перадалі другую частку дакументаў аб дачыненні Аляксандра Лукашэнкі і ягоных саўдзельнікаў да ваеннага злачынства — незаконнага перамяшчэння ўкраінскіх дзяцей, паведамляе прэс-служба НАУ.
Новыя матэрыялы дапаўняюць дакументы, перададзеныя НАУ раней, 27 чэрвеня 2023 года.
Перададзеныя гэтым разам у Міжнародны крымінальны суд матэрыялы ўключаюць:
1) дадатковыя доказы ўдзелу Лукашэнкі ў незаконнай дэпартацыі ўкраінскіх дзяцей у Беларусь. Каманда НАУ ўстанавіла іерархію адносін «начальнік-падначалены» паміж Лукашэнкам і датычнымі да супрацьпраўных дзеянняў службовымі і іншымі асобамі;
2) доказы і раней невядомыя факты датычнасці цэлага шэрагу беларускіх і расійскіх арганізацый, сярод іх БРСМ і іншых, а таксама іх кіраўнікоў і шэрагу членаў да незаконнай дэпартацыі ўкраінскіх дзяцей у Беларусь;
3) падрабязныя сведчанні аб праграме перавыхавання, арганізаванай рэжымам Лукашэнкі для ўкраінскіх дзяцей пад выглядам т. зв. рэабілітацыйнай праграмы ў лагеры «Дуброва» ў Беларусі, які знаходзіцца ва ўпраўленні дзяржкампаніі «Беларуськалій».
У дадатковых матэрыялах прыведзеныя доказы таго, што дзеці не былі дастаўлены ў лагер для лячэння або медыцынскай рэабілітацыі. Замест гэтага яны ўдзельнічалі ў насычанай праграме мерапрыемстваў, якая ўтрымлівала элементы палітычнага ідэалагічна абумоўленага перавыхавання, а таксама мілітарызацыі ўкраінскіх дзяцей.
У матэрыялах, перададзеных у МКС, утрымліваюцца ўстаноўленыя камандай НАУ асабістыя звесткі 37 украінскіх дзяцей, незаконна вывезеных з тэрыторыі Украіны. Усяго ж, па даных НАУ, з больш чым 20 часова акупаваных гарадоў і населеных пунктаў Украіны ў Беларусь было вывезена больш за 3 тыс. украінскіх дзяцей, з іх больш за 2100, уключаючы дзяцей-сірот, з відавочнымі парушэннямі нормаў міжнароднага гуманітарнага права.
Цяпер чытаюць
Статкевіч расказаў, як выжываў у зняволенні. І чым займаецца цяпер3
Каментары
Речь идет о т. н. трофейных детях, т е детдомовцах с оккупированных территорий.
Что не так то?
Вывезли - и молодцы. Не?