Міністр Барыеў – за пазапланавыя праверкі бяспекі аб’ектаў
Міністр па надзвычайных сітуацыях Беларусі Энвер Барыеў лічыць неабходным дазволіць наглядным органам міністэрства праводзіць пазапланавыя праверкі бяспекі аб’ектаў.
«Вядома, ёсць пэўная сітуацыя, звязаная з тым, што ў рамках рэгулявання нагляднай дзейнасці ў нас да праверак фінансава‑гаспадарчай дзейнасці дзесьці аднолькавы падыход, як і да праверак у галіне бяспекі. На наш погляд — гэта не заўсёды абгрунтавана», — сказаў міністр.
Ён лічыць, што «ў дзяржаўнага пажарнага нагляду, у нагляду за прамысловай бяспекай павінна быць магчымасць правядзення пазапланавых аператыўных праверак». «Напрыклад, летнія аздараўленчыя лагеры або школы. А так атрымліваецца, што на аб’екце, які правераны адзін раз у год, больш інспектар з’яўляцца не павінен», — адзначыў Энвер Барыеў.
Паводле яго слоў, у краіне несумненна ёсць шэраг аб’ектаў, адносна якіх органы МНС упэўнены, што створана сістэма забеспячэння бяспекі і ніякіх праблемных сітуацый не павінна ўзнікнуць.
Аднак адносна часткі аб’ектаў такой упэўненасці няма.
«Мы будзем выходзіць з прапановай, каб у наглядных органаў нашага міністэрства было права на ажыццяўленне пазапланавых праверак», — сказаў міністр па надзвычайных сітуацыях Беларусі.
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары