Вайна11

Ці можа штучнае зніжэнне ўзроўню вады ў Дняпры дапамагчы праходу ўкраінскіх войскаў на левы бераг?

Як вядома, украінскія войскі два месяцы таму захапілі і ўтрымліваюць некалькі плацдармаў у раёне сяла Крынкі. Аднак больш масавага пераходу на левы бераг Дняпра не адбываецца. А што, калі штучна зменшыць узровень вады ракі? На гэта пытанне адказаў у сваім ютуб-канале вайсковы эксперт Алег Жданаў.

Forcing the Dnieper near Kherson Форсирование Днепра под Херсоном Фарсіраванне Дняпра пад Херсонам
Фарсіраванне Дняпра пад Херсонам. Фота: Alex Babenko / AP Photo

Вядомая практыка спынення скіду вады на рэках для пераходу іх уброд. Так, на Калымскай ГЭС раз на год бліжэй да зімы закрывалі амаль увесь скід вады. У выніку раку можна было прайсці практычна ў любым месцы ў ботах вышэй за калена.

Але, па словах Жданава, штучнае спыненне скіду вады ў раёне Запарожжа з мэтай забеспячэння ўмоў для перакідвання бранятэхнікі ў раёне Херсона не дапаможа ўкраінскім войскам.

«Мяркуючы па здымках і відэаматэрыялах, якія паказваюць Сібір і Далёкі Усход, там рэчышчы ў асноўным камяністыя, на дне ляжыць камень, сланец і гэтак далей. Калі вада сыходзіць, рэчышча цвёрдае. Нават калі вада не сыходзіць, рэкі ўброд машыны лёгка пераадольваюць», — звяртае ўвагу Жданаў.

Калі ж гаварыць пра Дняпроўскае вадасховішча, то тэхнічна можна зрабіць паступовы скід вады, а потым яго спыніць на час, пакуль не набярэцца вады да максімуму. Гэта можа даць нейкі перапынак у ніжнім цячэнні. Але гэта не дапаможа.

«Вы не пройдзеце. Глеістае дно, пясчанікі, суглінкі — гэта кашмар. Там загразне ўсё, што можа загразнуць. Фактычна, трэба будзе пракладаць мост па асушаным дне ракі. Гэта нерэальна. Да таго ж, такое мерапрыемства нельга ўтрымаць у таямніцы.

Калі, напрыклад, асобныя паромныя пераправы можна схаваць, замаскіраваць і перакідаць тэхніку невялікімі партыямі ці адзінкамі цераз Дняпро, то калі вы наведзяце вялікую паромную пераправу, то там праз пяць хвілін будзе працаваць уся варожая артылерыя», — тлумачыць Жданаў і адзначае ролю плацдармаў.

«Плацдармы адцясняюць войскі праціўніка на такую адлегласць, каб асноўныя віды артылерыі не даставалі да імаверных месцаў навядзення пераправаў. Тады аперацыя па фарсіраванні воднай перашкоды можа мець поспех. Ва ўсіх астатніх выпадках гэта загадзя прадугледжаны правал».

Чытайце яшчэ:

Украіна перакінула бранятэхніку на левы бераг Дняпра

«Аперацыя Нармандыя»: украінскія войскі пашырылі плацдарм у Крынках насупраць Херсона

Зяленскі пра контрнаступ: Мы не дасягнулі жаданага, але мы не адступаем

Каментары1

  • Абыр
    01.12.2023
    Не будут они там переправляться.
    Им комфортно там сидеть, на узкой полоске у берега малыми разведгруппами.
    С того берега их прикрывает арта, рэб пво.
    А противник и сам придет на разделку. Нечего за ним бегать.
    Если и будет в этом году десантная операция, то либо на Кинбурн, по маленькому.
    Либо на Крым, по большому.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Новым Папам абвясцілі амерыкана-перуанскага кардынала Роберта Прэво8

Новым Папам абвясцілі амерыкана-перуанскага кардынала Роберта Прэво

Усе навіны →
Усе навіны

Чаму жонкі футбольных форвардаў атакавалі адна адну. У Англіі завяршаецца «Справа Вагаты Крысці»

Першая ноч пуцінскага перамір’я прайшла без налётаў беспілотнікаў1

Занядбаны палац Радзівілаў прадаюць у тры тысячы разоў даражэй, чым некалькі гадоў таму6

«Савушкаў прадукт» трапіў пад хвалю крытыкі за паўпустыя ўпакоўкі6

Няма лепшага араматызатару за воцат. Вось як гэта дзейнічае3

У першы дзень канклава з коміна Сікстынскай капэлы пайшоў чорны дым1

У Мінска-Магілёўскай дыяцэзіі дазволілі вернікам 9 мая не трымаць пятнічны пост1

Дырэктар сеткі дзяржаўных кінатэатраў расказаў, чаму прыватнікі забіраюць гледача6

У Добрушы бабёр прыйшоў у паліклініку і заснуў пры ўваходзе2

больш чытаных навін
больш лайканых навін

Новым Папам абвясцілі амерыкана-перуанскага кардынала Роберта Прэво8

Новым Папам абвясцілі амерыкана-перуанскага кардынала Роберта Прэво

Галоўнае
Усе навіны →

Заўвага:

 

 

 

 

Закрыць Паведаміць