Прэс-служба МНС Беларусі 5 снежня позна ўвечары паведаміла, што ратавальнікі выехалі па паведамленні аб выбуху ў аграгарадку Захарнічы Полацкага раёна.
«Паводле папярэдняй інфармацыі, на другім паверсе двухпавярховага шматкватэрнага жылога дома выбухнуў газавы балон», — расказалі ў МНС.
У ведамстве сцвярджаюць, што відавочцы выратавалі з-пад завалаў мужчыну (1976 года нараджэння) і жанчыну (1940 года нараджэння) яшчэ да таго, як прыехалі ратавальнікі. Іх перадалі лекарам.
Яшчэ 11 жыхароў дома былі эвакуяваныя.
Іншых падрабязнасцяў пакуль няма.
Каментары