Усяго патроху11

Жыхары Лоеўскага раёна казачна ўпрыгожылі сваю тэрыторыю да Новага года ВІДЭА

Прыгожы ролік выклалі ў тыктоку гаспадары хаты ў вёсцы Бывалькі Лоеўскага раёна. У гэтай сям'і пяцёра дзяцей, старэйшыя сыны ўжо дарослыя, а самы малодшы сёлета пайшоў у першы клас. 

Скрыншот з відэа

Мясцовыя жыхары пастараліся ад душы: у двары гасцей сустракаюць пацешныя фігуры святочных гномікаў, снегавікоў, маленькіх цмокаў, велізарныя лічбы 2024, па-навагодняму ўпрыгожаныя ялінкі.

Так старанна і з душой сваю хату сям'я ўпрыгожвае ўжо не першы год. У мінулы раз, напрыклад, у іх у двары было не менш казачна.

«Напэўна, гэта і ёсць наша навагодняя традыцыя — упрыгожваць хату, бо ўжо больш за 10 гадоў мы гэта робім вялікай дружнай сям'ёй. Сёлета ўпрыгожвалі цэлы тыдзень», — падзялілася з карэспандэнтам выдання Sputnik 18-гадовая Вікторыя, якая выклала сёлета ролік у інтэрнэт.

Ідэя аформіць хату так, каб яна была бачная нават з космасу, належыць гаспадыні і маці пецярых дзяцей Людміле Пазняк. У мінулым яна — педагог-арганізатар. Муж Ігар працуе кіроўцам у КСУП «Бывалькі».

Па словах Ігара Пазняка, на гэту прыгажосць спатрэбілася вельмі шмат гірляндаў — прыкладна 500 метраў. На працягу 10 гадоў сям'я пастаянна дакупляла новыя і рамантавала старыя.

Малыя архітэктурныя формы — вынік фантазіі гаспадыні казачнай вясковай хаты. Цмок, лічбы і заяц зробленыя з пенапласту, аленя і сані муж з жонкай змайстравалі разам з дроту, для стварэння снегавікоў спатрэбіліся пластыкавыя шары.

«Кожны год дадаем нешта новае, таму аднавяскоўцы чакаюць гэтай прыгажосці не менш, чым мы. Вядома ж, ніхто проста так не праходзіць моўчкі, заўсёды знойдуць цёплыя словы», — адзначае Людміла.

Чытайце таксама:

Як выбраць ялінку, каб яна доўга не абсыпалася

Майстар-клас па вырабе навагодніх цацак праходзіць у сядзібе Ваньковічаў

Ялінка, у якую можна ўвайсці, і навагодняе мястэчка. Як выглядае вячэрні Мінск за два тыдні да Новага года ФОТЫ

Паглядзіце, якія прыгожыя цацкі на ялінку можна самому зрабіць з вінных коркаў ФОТЫ

Каментары1

  • Язэп
    17.12.2023
    Малайцы. Галоўнае - ні кроплі спалучэнняў чырвонага і белага. Правільныя колеры перыяда цемры позняга лукашызму - белы ды сіні. Як у прыбіральні начнога клуба, каб наркаманы не здолелі трапіць шпрыцам ў вену.

Цяпер чытаюць

Стала вядома, па якім механізме спісваліся грошы з банкаўскіх картак беларусаў падчас маштабнага збою7

Стала вядома, па якім механізме спісваліся грошы з банкаўскіх картак беларусаў падчас маштабнага збою

Усе навіны →
Усе навіны

Трамп заявіў, што выступіць з важнай заявай наконт Расіі3

Упершыню расійскія вайскоўцы здаліся ў палон робатам — наватарская аперацыя ўкраінскай штурмавой брыгады7

Самая дарагая сумачка ў свеце. Сумку для Джэйн Біркін прадалі за рэкордныя $10 мільёнаў

Трамп пахваліў прэзідэнта Ліберыі за англійскую, але там гэта мова афіцыйная2

За адзін вечар тры беларускія футбольныя клубы перамаглі супернікаў з Арменіі, Македоніі і Чарнагорыі. Гэта рэкорд7

У Гомелі з'явіўся сквер Міліцыі. Гараджан не пыталіся нават фармальна4

Вялікабрытанія і Украіна падпішуць гістарычную дамову аб пастаўцы тысяч ракет для СПА

«Са студзеня Расія страціла 100 тысяч салдат. Забітымі. Не ўсяго, а забітымі»8

У Мінску пачалі будаваць аўтадарогу з Калодзішчаў у Калодзішчы

больш чытаных навін
больш лайканых навін

Стала вядома, па якім механізме спісваліся грошы з банкаўскіх картак беларусаў падчас маштабнага збою7

Стала вядома, па якім механізме спісваліся грошы з банкаўскіх картак беларусаў падчас маштабнага збою

Галоўнае
Усе навіны →

Заўвага:

 

 

 

 

Закрыць Паведаміць