Žychary Łojeŭskaha rajona kazačna ŭpryhožyli svaju terytoryju da Novaha hoda VIDEA
Pryhožy rolik vykłali ŭ tyktoku haspadary chaty ŭ vioscy Byvalki Łojeŭskaha rajona. U hetaj siamji piaciora dziaciej, starejšyja syny ŭžo darosłyja, a samy małodšy sioleta pajšoŭ u pieršy kłas.
Miascovyja žychary pastaralisia ad dušy: u dvary haściej sustrakajuć paciešnyja fihury śviatočnych hnomikaŭ, śniehavikoŭ, maleńkich cmokaŭ, vielizarnyja ličby 2024, pa-navahodniamu ŭpryhožanyja jalinki.
Tak staranna i z dušoj svaju chatu siamja ŭpryhožvaje ŭžo nie pieršy hod. U minuły raz, naprykład, u ich u dvary było nie mienš kazačna.
«Napeŭna, heta i jość naša navahodniaja tradycyja — upryhožvać chatu, bo ŭžo bolš za 10 hadoŭ my heta robim vialikaj družnaj siamjoj. Sioleta ŭpryhožvali ceły tydzień», — padzialiłasia z karespandentam vydańnia Sputnik 18-hadovaja Viktoryja, jakaja vykłała sioleta rolik u internet.
Ideja aformić chatu tak, kab jana była bačnaja navat z kosmasu, naležyć haspadyni i maci pieciarych dziaciej Ludmile Paźniak. U minułym jana — piedahoh-arhanizatar. Muž Ihar pracuje kiroŭcam u KSUP «Byvalki».
Pa słovach Ihara Paźniaka, na hetu pryhažość spatrebiłasia vielmi šmat hirlandaŭ — prykładna 500 mietraŭ. Na praciahu 10 hadoŭ siamja pastajanna dakuplała novyja i ramantavała staryja.
Małyja architekturnyja formy — vynik fantazii haspadyni kazačnaj viaskovaj chaty. Cmok, ličby i zajac zroblenyja ź pienapłastu, alenia i sani muž z žonkaj zmajstravali razam z drotu, dla stvareńnia śniehavikoŭ spatrebilisia płastykavyja šary.
«Kožny hod dadajem niešta novaje, tamu adnaviaskoŭcy čakajuć hetaj pryhažości nie mienš, čym my. Viadoma ž, nichto prosta tak nie prachodzić moŭčki, zaŭsiody znojduć ciopłyja słovy», — adznačaje Ludmiła.
Čytajcie taksama:
Jak vybrać jalinku, kab jana doŭha nie absypałasia
Majstar-kłas pa vyrabie navahodnich cacak prachodzić u siadzibie Vańkovičaŭ
Pahladzicie, jakija pryhožyja cacki na jalinku možna samomu zrabić ź vinnych korkaŭ FOTY
Ciapier čytajuć
Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja5
Kamientary