Ад Рабіновіча да Дунцовай. У ЦВК Расіі ўжо паступіла 16 заявак ад прэтэндэнтаў у прэзідэнты
І іх колькасць будзе расці.
«На гэты момант у нас ужо паступілі заяўкі ад 16 прэтэндэнтаў у кандыдаты на выбарах у прэзідэнты Расіі», — сказала старшыня ЦВК Эла Памфілава, дадаўшы, што, паводле інфармацыі ЦВК, колькасць заявак узрасце, піша РБК.
Памфілава раней адзначала, што выбары прэзідэнта Расеі ўпершыню будуць праходзіць у такой «таксічнай» геапалітычнай абстаноўцы.
«Упершыню ў гісторыі новай Расіі выбары будуць праходзіць у такой таксічнай геапалітычнай атмасферы, калі скінутыя ўсе маскі, паваліліся парэшткі лядашчых дэмакратычных дэкарацый.
Хачу запэўніць вас, што выбарчая сістэма нашай краіны валодае магутным запасам трываласці для таго, каб арганізаваць і правесці будучыя выбары менавіта так, як гэтага патрабуе і чакае наш народ, таму што для нас народ — гэта галоўны суддзя», — казала яна.
Сярод тых, хто публічна вылучыў сваю кандыдатуру:
цяперашні прэзідэнт Расіі Уладзімір Пуцін;
лідар ЛДПР Леанід Слуцкі;
былы міністр абароны «ДНР» Ігар Стралкоў (знаходзіцца ў СІЗА па справе аб публічных закліках да экстрэмізму);
муніцыпальны дэпутат ад «Саюза правых сіл» Барыс Надзеждзін;
журналістка і былая дэпутатка ржэўскай гарадской думы Кацярына Дунцова;
кіраўнік міжрэгіянальнага Саюза выпускнікоў дзіцячых дамоў і інтэрнатаў Анатоль Рабіновіч.
Выбары ў Расіі пройдуць 15—17 сакавіка 2024 года.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1515
Каментары