Удзел палітыка ў гэтым форуме дае магчымасць «абмеркаваць дэмакратычную будучыню Беларусі.
Кіраўнік Аб’яднанага пераходнага кабінета Святлана Ціханоўская 15—18 студзеня возьме ўдзел у Сусветным эканамічным форуме ў Давосе (Швейцарыя), паведаміў «Позірку« яе галоўны дарадца Франак Вячорка.
Паводле яго слоў, удзел палітыка ў гэтым форуме дае магчымасць «абмеркаваць дэмакратычную будучыню Беларусі і пагутарыць з сусветнымі лідарамі па актуальных міжнародных пытаннях».
Ціханоўская выступіць на панэлях «Абараняючы адзіны фронт Еўропы», «Куды ідзе свабода выказвання меркаванняў?», возьме ўдзел у мерапрыемствах з удзелам кіраўніцтва ААН, СГА, АЭСР, лідараў Нідэрландаў, Латвіі, Тымора-Лешці (Усходняга Тымора) ды інш.
Запланаваныя двухбаковыя сустрэчы, у тым ліку са спікерам парламента Філіпін, прадстаўнікамі міжнароднага бізнэсу і тэхналагічных кампаній.
Цяпер чытаюць
«Наталля Эйсмант можа ўсё». Арыштаваны за хабары дырэктар Палаца Рэспублікі ўжо на свабодзе і нават з новай пасадай9
Каментары