У Грэцыі адкрываецца палац Аляксандра Македонскага. Яго рэстаўравалі 16 гадоў
У Грэцыі пасля рэстаўрацыі адкрываецца палац горада Эгі — адзін з самых важных помнікаў класічнай антычнасці, дзе быў каранаваны Аляксандр Македонскі. Палац, размешчаны недалёка ад паўночнага партовага горада Салонікі, быў пабудаваны больш за 2300 гадоў таму. Пазней ён быў разбураны рымлянамі, і яго разваліны знайшлі падчас раскопак, распачатых у XIX стагоддзі, піша ВВС.
Частковая рэканструкцыя палаца, якая праводзілася пры садзейнічанні ЕС, каштавала больш як 20 мільёнаў еўра.
Прэмʼер-міністр Грэцыі Кірыякас Міцатакіс, які прысутнічаў на цырымоніі адкрыцця абʼекта ў пятніцу, назваў яго помнікам сусветнага значэння. «Значнасць такіх помнікаў становіцца здабыткам усяго свету», — сказаў ён.
Сярод адрэстаўраваных частак палаца, які адкрыецца для наведвальнікаў у панядзелак, уражлівыя масіўныя каланады.
Палац пабудаваў Філіп II, бацька Аляксандра Македонскага, які кіраваў магутным царствам Македонія.
Антычны Эгі лічыцца першай сталіцай старажытнай Македоніі. Палац быў самым вялікім будынкам у Грэцыі класічнага перыяду — яго плошча складала 15 тысяч квадратных метраў. На яго тэрыторыі былі вялікія банкетныя залы, месцы для пакланення багам і ўнутраныя двары.
Аляксандр быў там каранаваны, стаўшы царом Македоніі ў 336 г. да н.э. пасля забойства бацькі. Пазней ён заваяваў шырокія тэрыторыі Малой Азіі, Блізкага Усходу і Егіпта і дайшоў да Індыі.
Палац, а таксама найбліжэйшыя грабніцы македонскіх цароў, зʼяўляюцца абʼектамі Сусветнай спадчыны ЮНЕСКА.
«Гэты асфальт ляжыць дакладна на той дарозе, дзе 236 гадоў таму праехала Кацярына II». Вам самім не смешна?»
У Вільні паставяць помнік Жыгімонту Аўгусту і Барбары Радзівіл
Псіхушка, мураўёўкі, піраміда. У Беларусі з'явіліся новыя помнікі архітэктуры
Психушка, муравьевки, пирамида. В Беларуси появились новые памятники архитектуры
Цяпер чытаюць
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары