Два дамы гарэлі ў Вілейскім раёне 28 і 29 снежня. У абодвух выпадках папярэдняя прычына ўзгарання — трэшчыны ў коміне. Людзі на пажарах не пацярпелі.
Паведамленне пра тое, што гарыць дачны дом у вёсцы Лоцавічы Касцяневіцкага сельсавета, паступіла на пульт выратавальнікаў у 6.50, расказаў інжынер дзяржаўнага пажарнага нагляду райаддзела па надзвычайных сітуацыях Алег Грыневіч.
Людзей у доме не было. Як высветлілі пажарныя, напярэдадні вечарам рамонт там рабілі рабочыя. Яны шліфавалі сцены і апрацоўвалі іх лёгкай на загаранне вадкасцю. Пасля работы прапалілі печ і каля 24 гадзін пайшлі начаваць у суседні дом.
Пажар заўважылі суседзі, яны і выклікалі выратавальнікаў. Дом згарэў. Пажарныя разбудзілі рабочых, якія нічога не падазравалі.
На наступны дзень, 29 снежня, у 12.05 паведамілі пра пажар у вёсцы Мацькаўцы Альковіцкага сельсавета. Загарэўся жылы дом, у якім жыве 65‑гадовая пенсіянерка. Яна прапаліла печ, ад дзірак ў коміне загарэлася гарышча. Гэта своечасова ўбачылі суседзі, што і выратавала жыццё гаспадыні.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары