Беларус падаў заяўку на польскі адбор на «Еўрабачанне». Што за ён?
Беларускі стэндап-комік Дзмітрый Саўян падаў заяўку на ўдзел у папярэднім адборы на Еўрабачанне ад Польшчы. Навіну пра гэта ён размясціў на сваёй старонцы ў тыктоку. Пад псеўданімам Pan Savyan ён трапіў у спіс удзельнікаў, апублікаваны фанацкім рэсурсам Eurowizja.org, піша Most.
Беларус пакажа кампазіцыю W Kolorku Amaretto, з якой ён ужо выступаў на навагоднім канцэрце на польскім радыё RMF FM.
Акцёр расказваў, што прыдумаў песню, выпадкова пачуўшы размову дзвюх жанчын, адна з якіх распавядала, што купіла кофту колеру амарэта. Гэта навеяла яму нешта з 1970-х і здалося вельмі паэтычным.
Да пачатку вайны Дзмітрый жыў у Кіеве, працаваў на канале 1+1, здымаўся ў серыялах, выступаў як стэндап-комік. Пасля расійскага ўварвання вырашыў пераехаць у Польшчу, дзе яшчэ да таго скончыў у Варшаве двухгадовы акцёрскі курс. Таму на момант пераезду ў яго ўжо былі знаёмствы ў акцёрскай сферы і базавае веданне мовы.
У Польшчы Дзмітрый працягнуў здымацца ў кіно. Напрыклад, яго можна будзе пабачыць у адным з эпізодаў гістарычнага серыяла Matylda, які выйдзе ў гэтым годзе. Беларус там сыграў ролю рускага рэвалюцыянера.
Таксама хлопец займаецца музыкай і выступае са стэндапамі. У тыктоку ён выкладае музычныя кампазіцыі з простымі фразамі па-польску накшталт «Dzień dobry, cześć, kurwa bober», «Idę do pracy, wracam z pracy».
Сёлета «Еўрабачанне» пройдзе ў шведскім Мальмё.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары