Расійскі рэпер, які прыйшоў на «голую вечарынку» ў адной шкарпэтцы, пойдзе ў армію вясной
«Будзе служыць там, куды Радзіма пашле. Куды прызавуць — туды і пойдзе, там не выбіраюць».
Сёння Vacio (сапраўднае імя — Мікалай Васільеў) праходзіць медкамісію, якая вызначыць яго катэгорыю прыдатнасці. Пра гэта адвакат Васільева Раман Папоў распавёў расійскім медыя.
«Будзе служыць там, куды Радзіма пашле. Куды прызавуць — туды і пойдзе, там не выбіраюць. <…> За мяжу не ўцячэ, не спалохаецца. Ганаровы абавязак кожнага грамадзяніна Расійскай Федэрацыі — службу пройдзе!» — цытуе яго НСН.
Shot адзначае, што раней Васільева прызналі непрыдатным з-за псарыязу.
Аб позве ў ваенкамат Васільеў распавёў 16 студзеня, калі выйшаў са спецпрыёмніка пасля двух адміністрацыйных арыштаў запар. Яго прызнавалі вінаватым па артыкуле аб хуліганстве — першы раз за тое, што той прыйшоў амаль голым на «амаль голую» вечарынкі Насці Іўлеевай у «Мутаборы»; другі — за лаянку ў прысутнасці сілавікоў.
Акрамя таго, рэпера аштрафавалі па артыкуле аб «гей-прапагандзе». У адказ Vacio заявіў, што «ніяк не падтрымлівае ЛГБТ і не хацеў зрабіць ніякай прапаганды».
Скандал вакол «голай вечарынкі» ў Расіі трывае ўжо некалькі дзён.
Каментары
Согласен ему надо было сразу исчезнуть куда угодно. Молодой, и отношение крайне nonchalant, не понял,что раз таких как киркоров администрация бункерного фигачит на раз-два,то этого засранца вообще в пепел превратят. Ща походу точно превратят. (