Каталіцкі арцыбіскуп афіцыйна дазволіў вернікам есці мяса на свята 8 сакавіка
У пятніцу 8 сакавіка, на якую прыпадае Міжнародны жаночы дзень, у Мінска-Магілёўскай архідыяцэзіі ўдзяляецца дыспенсацыя (вызваленне) ад абавязку ўстрымання ад спажывання мясных страў, паведаміў сайт Catholic.by.
Паводле нормы канона 1251 Кодэкса кананічнага права «Аб днях пакаяння», ва ўсе пятніцы года, на якія не прыпадае ўрачыстасць, вернікамі павінна захоўвацца ўстрыманне ад спажывання мясных страў.
Сёлета на падставе канона 87 § 1 мітрапаліт мінска-магілёўскі арцыбіскуп Юзаф Станеўскі вызваліў на тэрыторыі сваёй архідыяцэзіі ад устрымання ад спажывання мясных страў вернікаў, старэйшых за 14 гадоў, у пятніцу 8 сакавіка 2024 года.
У той жа час адзначаецца, што вернікі, якія будуць карыстацца гэтай дыспенсацыяй, павінны памаліцца ў інтэнцыях Святога Айца.
Цяпер чытаюць
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі77
Каментары