Эканоміка66

Дзе таннейшыя цюльпаны — у прадаўцоў на вуліцы ці ў краме? 

Паглядзелі, колькі каштуюць кветкі напярэдадні 8 Сакавіка ў Мінску і рэгіёнах.

У Мінску каля метро цюльпаны прадаюць па 3,5 рубля за штуку. На Камароўцы цэны пачынаюцца ад 3 рублёў за цюльпанчык і даходзяць да 5-6 рублёў.

Зразумела, што ў звычайных крамах набыць кветкі можна больш танна: «Еўраопт» прапаноўвае адзін цюльпан за 2,99 рубля, у «Кароне» можна знайсці букеты з трох цюльпанаў за 7,20, у «Гіпа» і «Суседзях» — 7,99.

Фларыстычныя крамы прапаноўваюць раскошныя букеты, разлічаныя на вялікі бюджэт: напрыклад, на сайце «Даліны руж» ёсць варыянт за 420 рублёў — гэта 101 жоўты цюльпан. Тым, хто адмовіцца ад дастаўкі і забярэ букет з самавывазам, абяцаюць скідку 20%.

У La Rose цэны пачынаюцца ад 55 рублёў за 11 рознакаляровых цюльпанаў і даходзяць да 375 рублёў за букет з 75 жоўтых.

Скрыншот сайту zakazcvetov.by

Але гэта яшчэ не самыя дарагія з варыянтаў. Кветачны сэрвіс zakazcvetov.by прапаноўвае букет са 101 рознакаляровага цюльпана за 658 рублёў ці кошык з 85 цюльпанамі «Полымя» і 6 галінкамі эўкаліпта за 695 рублёў.

Агляд цэн на кветкі ў Бабруйску зрабіла блогерка, якая вядзе тыкток пад нікам @anya_bobruisk — за дзень відэа набрала каля 620 тысяч праглядаў і больш за 7 тысяч лайкаў. Яна распавяла, што на плошчы насупраць выставачнай залы прадавачкі просяць за адзін цюльпан 3,50 рубля, а вялікую галінку мімозы аддаюць за 15 рублёў (маленькую за 13).

Зазірнула блогерка і ў краму «Капеечка» — там букет з трох кветак каштуе 6,89 рубля. А ў кветачнай краме каля гасцініцы «Бабруйск» дзяўчына пабачыла цюльпаны па 3 рублі за штуку і букет з 11 кветак за 40 рублёў.

@anya_bobruisk Цены на тюльпаны #8марта #букет #цветы #тюльпаны #рек #врек ♬ оригинальный звук - Аня Бобруйск

У каментарыях людзі абураюцца цэнамі: «Праз сваю сквапнасць палову кветак выкінуць на сметнік 9 сакавіка», «Кожны год усё даражэй і даражэй», «У нас горад для багатых», «На Табарах скрынка мімозы 10 кілаграм — 170 рублёў, значыць, 1 кілаграм — 17 рублёў, а тут галінка 15 рублёў? Праўда?».

Прагучала і рытарычнае пытанне: «Цікава, чаму шкарпэткі перад 23 лютага не даражэюць?»

Каментары6

  • Сонейка
    06.03.2024
    Хоць нешта як у Еўропе - цены на кветкі
  • Кветкігаўно
    06.03.2024
    Беларусам не трэба святкаваць сумнеўнае свята маскавітаў і іх падхвостнікаў.
  • Максим Дизайнер
    06.03.2024
    Хватит спонсировать этих барыг!Хотите порадовать любую(любимую) женщину, подарите цветы в любой день в году.

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы

Усе навіны →
Усе навіны

Распрацаваны першы за 50 гадоў антыбіётык супраць смяротнай супербактэрыі

У Маладзечанскім раёне прадаюць лецішча з марскога кантэйнера

Колькі каштуе пуцёўка ў беларускі санаторый — сума немалая2

Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі45

Ротам камуніста Сыранкова зноў укідваецца ідэя адмяніць у Беларусі прэзідэнцкія выбары28

Келаг: На перамовах у Стамбуле будуць прадстаўнікі ЗША, Германіі, Вялікабрытаніі і Францыі3

У Нацыянальным мастацкім музеі адкрылася выстава, прысвечаная расійскім перамогам15

Апеляцыйны суд у ЗША стаў на бок Трампа ў пытанні тарыфаў

«400 зорак у п***у». Махляры надурылі школьнікаў, прадаючы ім няправільныя адказы да ЦТ і ЦЭ4

больш чытаных навін
больш лайканых навін

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы

Галоўнае
Усе навіны →

Заўвага:

 

 

 

 

Закрыць Паведаміць