Над Валгаградскай вобласцю збілі 15 беспілотнікаў — Мінабароны Расіі
Міністэрства абароны Расіі заявіла, што ў ноч на пятніцу над расійскай тэрыторыяй былі збітыя 15 украінскіх беспілотнікаў, 14 з іх — над Валгаградскай вобласцю.
Адзін беспілотнік, як сцвярджае міністэрства, збіты над прымежнай Белгародскай вобласцю.
Ні пра наступствы на зямлі, ні пра якія-небудзь іншыя дэталі міністэрства не паведамляе.
Валгаградская вобласць не мяжуе з Украінай, ад яе мяжы да бліжэйшага пункта, кантраляванага законнымі ўладамі Украіны — больш за 300 кіламетраў.
Каментары