Сярэдні паказчык долі людзей з гэтым псіхічным разладам па ўсёй планеце — 3,9%. У нашай краіне — 5,6%. Роўна такія ж «лічбы» ў Фінляндыі і Літвы.
Беларусь увайшла ў топ-10 краін з найбольшай колькасцю людзей у дэпрэсіі. Даследаванне праведзена парталам Country Cassette, піша Tochka.by.
Наша краіна займае восьмы радок у рэйтынгу з паказчыкам 5,6%, або 510 тысяч чалавек з выяўленай дэпрэсіяй. Такая ж доля дэпрэсіўнага насельніцтва ў Фінляндыі, якая займае дзявятую пазіцыю, там гэта амаль 294 тыс. чалавек, і Літвы, якая замыкае першую дзясятку і дзе сур'ёзна сумуюць амаль 170 тыс.чалавек.
У Расеі «дэпрэсуюць» 7,815 млн чалавек, што складае 5,5% ад яе насельніцтва. Пазіцыя ў выніковым рэйтынгу даследавання — 11.
Самыя сумныя людзі, на думку Country Cassette, жывуць ва Украіне — 2,8 млн чалавек, або 6,3% насельніцтва.
На другім месцы ў даследаванні размясціліся ЗША, дзе ў дэпрэсіі знаходзяцца 5,9% жыхароў, а ў абсалютных лічбах гэта амаль 17,5 млн чалавек.
Што цікава, найменшы ўзровень дэпрэсіі зафіксаваны на Саламонавых выспах, ва Усходнім Тыморы, Папуа Новай Гвінеі і Мікранэзіі. Там доля дэпрэсіўнага насельніцтва складае ад 2,9% да 3,1%.
Гурт «Дразды» пакідае сцэну і вінаваціць у гэтым «гіперактыўных блогераў»5
Гурт «Дразды» пакідае сцэну і вінаваціць у гэтым «гіперактыўных блогераў»
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга182182
Каментары