Інтэрнэт-крамам дазволяць не прымаць ад пакупнікоў наяўныя грошы
Пра планаванае новаўвядзенне падчас прэс-канферэнцыі расказала начальніца ўпраўлення абароны правоў спажыўцоў і кантролю за рэкламай Міністэрства антыманапольнага рэгулявання і гандлю Іна Гаўрыльчык, паведамляе БелТА.
Чыноўніца назвала нормы, якія збіраюцца ўключыць у закон «Аб абароне правоў спажыўцоў».
Згодна з дзейным заканадаўствам, заўважыла Гаўрыльчык, прадавец павінен забяспечыць прыём грашовых сродкаў у дзвюх формах — безнаяўнай і наяўнай. Аднак інтэрнэт-гандаль вельмі актыўна развіваецца, таму, маўляў, узнікла патрэба, каб спажыўцы разлічваліся толькі ў безнаяўнай форме.
Чыноўніца сцвярджае, што, паводле аналізу, большасць спажыўцоў разлічваюцца менавіта ў безнаяўнай форме па прычыне таго, што так прасцей. Таму, з улікам нібыта прапаноў з боку інтэрнэт-прадаўцоў, быў распрацаваны праект нормы, якая прадугледжвае, што патрабаванне аб забеспячэнні дзвюх формаў аплаты не будзе дзейнічаць у дачыненні да анлайн-крам.
Пасля прыняцця гэтай нормы інтэрнэт-прадавец, калі вырашыць, што будзе прымаць аплату толькі ў безнаяўнай форме, не будзе рабіць ніякага парушэння. Анлайн-краме трэба будзе толькі абавязкова размясціць інфармацыю, звязаную з тым, у якой форме прымаюцца плацяжы і праз якія сістэмы.
«Гэтая навацыя ўжо абмяркоўвалася з бізнэсам і грамадскасцю. Ёсць праціўнікі такіх зменаў, але іх зусім няшмат. Таму будзем планаваць уключэнне гэтай нормы ў закон», — паабяцала чыноўніца.
Чытайце таксама:
У беларускіх папраўчых калоніях збой працы інтэрнэт-крам
Сетка «Міла» не аднавіла інтэрнэт-краму ў прызначаны тэрмін
Еўрапошта дазволіла адпраўляць пасылкі за кошт атрымальнікаў
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1919
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс19
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары