Улады памежнага расійскага Грайварана заклікалі жыхароў эвакуіравацца
Кіраўнік Грайварана Генадзь Бондараў заклікаў мясцовых жыхароў «прыняць правільнае рашэнне».
«Звяртаюся да тых, хто застаўся ў акрузе. Сітуацыя працягвае заставацца напружанай. Прашу вас прыняць правільнае рашэнне і часова пакінуць тэрыторыю гарадской акругі», — напісаў кіраўнік Грайваранскай гарадской акругі.
Ён дадаў, што адміністрацыя арганізуе ад'езд, а прыняць бежанцаў змогуць у Яраслаўскай вобласці.
«Мы стараемся дастаўляць прадукты харчавання жыхарам, але гэта залежыць ад аператыўнай абстаноўкі. Настойліва рэкамендую не падвяргаць сябе і сваіх блізкіх небяспецы», — дадаў Бондараў.
Грайваран — самы заходні горад Белгародскай вобласці. У ім пражывае каля 6 тысяч чалавек. Апошнія два тыдні горад, як і іншыя памежныя населеныя пункты памежжа, атакуюць украінскія ДРГ.
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары