Клірык дамавога храма Свяціцеля Мікалая Цудатворца Гродзенскага епархіяльнага ўпраўлення на Архірэйскім падворку Мікалай Гайдук быў падвергнуты адміністрацыйнаму спагнанню, паведаміла «Хрысціянская візія».
22 студзеня пры маніторынгу сацыяльных сетак святара было выяўлена, што ў яго ва «УКантакце» была размешчана інфармацыйная прадукцыя з лагатыпам «TUT.BY», а таксама фатаграфія Ёзэфа Гёбельса са свастыкай. Дзеянні былі кваліфікаваныя як захоўванне экстрэмісцкіх матэрыялаў з мэтай распаўсюджвання (ч. 2 арт.19.11 КаАП РБ), а таксама распаўсюджванне нацысцкай сімволікі (ч. 1 арт. 19.10 КаАП РБ).
12 і 15 сакавіка адбыўся суд. Гайдук растлумачыў, што нацысцкую сімволіку ён размяшчаў як частку гістарычнай фатаграфіі з мэтай крытыкі нацысцкіх поглядаў, што пацвярджалася і кантэкстам размешчанай ім інфармацыі. Аднак суддзя суда Ленінскага раёна Гродна Наталля Козел прызнала яго вінаватым і прызначыла штраф у памеры 1600 рублёў.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары